6 qazanda elordada ótetin mańyzdy sharalarǵa sholý
NUR-SULTAN. QazAqparat – «QazAqparat» halyqaralyq aqparat agenttigi elordada 6 qazan kúni ótetin mańyzdy sharalar sholýyn usynady.
09.00-de Úkimet úıinde Úkimet otyrysy ótedi. Kún tártibinde ishki naryqty otandyq azyq-túlikpen molaıtý jáne farmatsevtıkalyq ónerkásipti damytý máseleleri qaralady.
Úkimet otyrysy PrimeMinister.kz saıtynda jáne vedomstvonyń áleýmettik jelilerdegi resmı akkaýnttarynda onlaın rejımde kórsetiledi.
11.00-de «Avenue» bıznes ortalyǵynda Irak Elekeevtiń tóraǵalyǵymen jáne barlyq múddeli memlekettik organdardyń qatysýymen Nur-Sultan qalasy kásipkerler palatasy kásipkerler quqyǵyn qorǵaý jáne sybaılas jemqorlyqqa qarsy is-qımyl jónindegi keńestiń kezekti otyrysy ótedi.
11.00-de Qazaqstan kommýnıstik halyq partııasynyń ǵımaratynda «Jas aqyl-oıdyń shetelge ketýi. Onyń sebepteri jáne qarsy turý joldary» taqyrybynda dóńgelek ústel ótedi. Oǵan «Halyq kommýnısteri» fraktsııasy depýtattary Zoom arqyly qatysady.
16.00-de QR Ulttyq mýzeıinde Nur-Sultan jáne Almaty qalalarynyń mektepke deıingi uıymdarynyń qatysýymen «Balabaqsha – bolashaqqa bastar jol» atty fotokórme ótedi.
16.20-da QR Prezıdenti janyndaǵy Ortalyq kommýnıkatsııalar qyzmetinde QR Aýyl sharýashylyǵy mınıstri Saparhan Omarov Joldaýda júktelgen tapsyrmalardyń júzege asý barysy týraly baspasóz máslıhatyn ótkizedi.
