6 qazan. Týǵan kún ıeleri
ESІMDER
95 jyl buryn (1923-2001) respýblıkadaǵy horeografııa óneriniń qalyptasyp damý jolyna mol úles qosqan qazaqtyń tuńǵysh kásibı bıshi-baletmeısteri, Qazaqstannyń halyq ártisi Dáýren Tastanbaıuly ÁBІROV dúnıege keldi.
Jambyl oblysynda týǵan. Almaty horeografııa ýchılışesin, Máskeý qalasyndaǵy teatr óneri ınstıtýtynyń baletmeısterlik bólimin bitirgen. 1952-1977 jyldary - Qazaq akademııalyq opera jáne balet teatrynda baletmeıster bolyp, teatr sahnasynda M.Chýlakıdiń «Jastyq», F.ıArýllınniń «Shýrale», Ǵ.Jubanovanyń «Aqqus týraly ańyz», E.Brýsılovskııdiń «Qozy Kórpesh - Baıan sulý» t.b. baletterin, sondaı-aq operalyq jáne dramalyq spektaklder men fılmderdiń bılerin qoıǵan. Ol Alberttiń (A.Adan «Jızel»), Nuralynyń (B.Asafev «Baqshasaraı burqaǵy») t.b. partııalaryn bıledi. Máskeý qalasynda ótken qazaq ádebıeti men óneriniń ekinshi onkúndigine qatysqan. 1952 jyldan Almaty horeografııa ýchılışesinde, Almaty teatr jáne kıno óneri ınstıtýtynda, Qazaq qyzdar pedagogıkalyq ınstıtýtynda, Joǵary horeografııa mektebinde pedagogıkalyq qyzmetpen aınalysqan. Á.Ismaılovpen birge «Qazaqtyń halyq bıleri» atty kitap jazǵan. «Eńbek Qyzyl Tý» ordenimen, medaldarmen, Qazaq KSR Joǵarǵy Keńesiniń Qurmet gramotasymen marapattalǵan.
61 jyl buryn (1957) Rýdnyı ındýstrıaldyq ınstıtýtynyń rektory, tehnıka ǵylymdarynyń doktory, professor, QR Joǵary mektep ǵylymdary ulttyq akademııasynyń akademıgi, QR Jaratylystaný ǵylymdary ulttyq akademııasynyń akademıgi Ábdirahman Batyrbekuly NAIZABEKOV dúnıege keldi.
Ońtústik Qazaqstan oblysynda týǵan. 1980 jyly Qaraǵandy metallýrgııalyq kombınaty janyndaǵy joǵary tehnıkalyq oqý ornyn támamdady. Almatyda «Qyzyl tý» plastmassa óńdeý zaýytynda ýchaske sheberi; 1981-1982 jyldary - Qaraǵandy metallýrgııa kombınaty janyndaǵy joǵary tehnıkalyq oqý ornynda oqytýshy. 1984-1987 jyldary - Máskeý qurysh jáne qorytpalar ınstıtýtynyń aspıranty; 1988 jyldan Qaraǵandy metallýrgııalyq ınstıtýtynda oqytýshy, dotsent, kásiptik-tehnıkalyq fakýltet dekanynyń orynbasary, oqý isteri jónindegi prorektor orynbasary, oqý isteri jónindegi prorektor. 1998 jyldan Qaraǵandy metallýrgııa ınstıtýtynyń rektory; 2012 jyldan Rýdnyı ındýstrııalyq ınstıtýtynyń rektory. 300-den astam ǵylymı-ádistemelik jumystardyń, eki monografııanyń, avtorlyq kýálikterdiń, patentterdiń, oqýlyqtardyń avtory, Qurmetti bilim qyzmetkeri. «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005), «Eren eńbegi úshin» (2007) medaldarymen marapattalǵan.
56 jyl buryn (1962) QR Parlamenti Senaty apparatynyń basshysy Serik Silámjanuly SYDYQOV dúnıege keldi.
S.M.Kırov atyndaǵy Qazaq memlekettik ýnıversıtetin bitirgen, zańger. Qazaq KSR Eńbek memlekettik komıtetinde eńbek resýrstary bóliminiń aǵa ekonomısi jáne is basqarý aǵa ınspektory, QR Eńbek mınıstrliginiń jumyspen qamtý bas basqarmasynda eńbekti quqyqtyq retteý bóliminiń bas zań keńesshisi, Jumyspen qamtý memlekettik qyzmet ınspektsııasynyń bastyǵy, Jumyspen qamtý bas basqarmasy bastyǵynyń orynbasary; «Turan-Agro» JShQ zań bóliminiń meńgerýshisi, QR Prezıdentiniń Joǵarǵy keńestegi ókiliniń aǵa sarapshysy, QR Parlamenti Senaty apparatynda konsýltant, quqyqtyq saraptama bóliminiń sektor meńgerýshisi, saraptama bólimi meńgerýshisiniń orynbasary, Ákimshilik bólim meńgerýshisi, apparat basshysynyń birinshi orynbasary bolyp qyzmet atqardy. 2016 jylǵy qańtardan beri qazirgi qyzmetinde.
«Qurmet» ordenimen, TMD PAA Qurmet gramotasymen, «TMD PAA. 20 jyl» kúmis medalimen, bes medalmen marapattalǵan.
49 jyl buryn (1969) belgili qazaqstandyq kásipker, metsenat, «Altyn Qyran» kompanııalar tobynyń quryltaıshysy ári bas dırektory, «Altyn Kyran» Halyqaralyq qaıyrymdylyq qorynyń prezıdenti Islambek Tileýbaıuly SÁLJANOV dúnıege keldi.
Ol Aqtóbe oblysynda týǵan. Aqtóbe memlekettik medıtsınalyq ınstıtýtyn, hırýrg (1993); Qazaq memlekettik basqarý akademııasynyń janyndaǵy Naryq ınstıtýtyn, ekonomıst (1997); Reseı Federatsııasy Úkimetiniń janyndaǵy Halyq sharýashylyǵy akademııasyn - Máskeý qalasyndaǵy Bıznes jáne iskerlik basqarý ınstıtýtyn, marketıng jáne satylymdardy basqarý (2005); Dıýk ýnıversıtetiniń janyndaǵy Senford memlekettik saıasat mektebiniń yqpaldastyǵymen Qazaqstan Respýblıkasy Prezıdentiniń janyndaǵy Memlekettik basqarý akademııasynyń janyndaǵy Memlekettik saıasat ulttyq mektebin (2012) bitirgen.
Eńbek joly: Aqtóbe qalasyndaǵy «Maqsat Kapıtal» ShJK quryltaıshysy ári dırektory (1993-1998); «AKZHOL» qazaq-nemis birikken kásipornynyń teń quryltaıshysy jáne dırektory (1998-2000); «QazMunaıGaz» UK» AQ enshiles kásiporny «Qazaqoıl-Prodakts» JShS Aqtóbe fılıalynyń dırektory (2000-2001); «AKZHOL» kompanııalar tobynyń quryltaıshysy jáne bas dırektory (2001-2004).
«Qurmet» ordenimen; «Qazaqstan Respýblıkasynyń táýelsizdigine 10 jyl», «Qazaqstan Respýblıkasynyń táýelsizdigine 20 jyl» medaldarymen; «Bilim berý metsenaty-2012» Altyn medali jáne dıplomymen marapattalǵan.
47 jyl buryn (1971) Batys Qazaqstan oblystyq sotynyń qylmystyq ister boıynsha sot alqasynyń tóraǵasy Aqan Maratuly JUMAǴULOV dúnıege keldi.
Shyǵys Qazaqstan oblysy, Zaısan aýdany, Daıyr aýylynda týǵan.
1994 jyly Qaraǵandy memlekettik ýnıversıtetin támamdaǵan.
Eńbek ótili: Zaısan avtokólik kásiporynynyń dánekerleýshisi (1988-1989), ShQO jol prokýratýra tergeýshisiniń taǵylymdamashysy (1993-1994), Oktıabr aýdany boıynsha prokýratýrasynyń aǵa tergeýshisi (1994-1996), ShQO oblystyq prokýratýrasy tergeý bóliminiń prokýrory (1996-1997), Óskemen qalasy prokýrorynyń kómekshisi (04.1997-08.1997); ShQO oblystyq prokýratýrasy tergeý bóliminiń prokýrory (1997-1998); Qatonqaraǵaı aýdany prokýrorynyń orynbasary (1998-2000); Óskemen qalasy prokýrorynyń kómekshisi (2000-2001); ShQO QPD Semeı aımaǵy boıynsha QPD anyqtaý bóliminiń bastyǵy (03.2001-04.2001); ShQO ekonomıkalyq qylmysqa qarsy departamentiniń aǵa ınspektory, bólim bastyǵy (2003-2005); Óskemen garnızony áskerı sotynyń sýdıasy (2005-2010); Shyǵys Qazaqstan oblysy Rıdder qalalyq sotynyń tóraǵasy (2010-2013), Semeı qalalyq sotynyń tóraǵasy (2013-2015). Astana qalasy mamandandyrylǵan aýdanaralyq ekonomıkalyq sotynyń tóraǵasy (2015-2017)
Qazirgi qyzmetinde - 2017 jyldyń maýsym aıynan beri.