6 qazan kúngi aýa raıy boljamy
NUR-SULTAN. QazAqparat – 6 qazan kúni Qazaqstan aýmaǵynyń basym bóliginde aýa raıyn antıtsıklon anyqtaıdy. Tek soltústik, shyǵys jáne ońtústik-shyǵys óńirler tómen qysymnyń yqpalynda bolady. Osyǵan baılanysty jaýyn-shashyn (jańbyr, qar), kúndiz respýblıkanyń ońtústik-shyǵysynda jańbyr jaýady. Qalǵan aýmaqtarda jaýyn-shashynsyz aýa raıy kútiledi. Elimizdiń keı jerlerinde tuman, jeldiń kúsheıýi, shyǵysta jáne ortalyqta kóktaıǵaq, jaıaý burqasyn, ońtústikte shańdy daýyl boljanady, dep habarlaıdy QazAqparat.
Atap aıtqanda, «Qazgıdromet» RMK málimetinshe, Aqmola, Pavlodar, túnde jáne tańerteń Qostanaı, Soltústik Qazaqstan oblystarynyń keı jerlerinde tuman kútiledi, kúndiz jel 15-20 m/s kúsheıedi.
Shyǵys Qazaqstan, Qaraǵandy oblystarynyń keı jerlerinde tuman, kóktaıǵaq, jaıaý burqasyn, jel 15-20 m/s artady. Qaraǵandy oblysynda ekpini 23-28 m/s jetedi.
Qyzylorda, Mańǵystaý, tańerteń jáne kúndiz Almaty oblystarynyń keı jerlerinde jeldiń kúsheıýi 15-20 m/s kútiledi.
Jambyl oblysynyń keı jerlerinde tuman boljanady, jeldiń ekpini - 15-20 m/s.
Túrkistan oblysynyń keı jerlerinde shańdy daýyl, kúndiz jeldiń ekpini 25 m/s artady.
Sondaı-aq Almaty, Jambyl, Túrkistan oblystarynyń túnde keı jerlerinde 1-3 gradýs úsik kútiledi.
Budan bólek, Qyzylorda, Túrkistan oblystarynyń basym bóliginde, Jambyl, Aqtóbe, Qaraǵandy oblystarynyń keı jerlerinde tótenshe órt qaýpi saqtalady.
