6 qazan. Kazinform kúntizbesi. Tulǵalar týǵan kún
Búgin, 6 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
Asqar SMAILOV, Azamattyq ister jónindegi kassatsııalyq sot tóraǵasy
1964 jyly Jambyl oblysynyń Qarataý qalasynda týǵan. Qaraǵandy memlekettik ýnıversıtetin zańger mamandyǵy boıynsha bitirgen (1989).
Eńbek joly: Jambyl oblystyq memlekettik tóreliginiń arbıtri (1989-1994); Jambyl oblystyq tórelik sotynyń sýdıasy (1994-1995); Jambyl oblystyq sotynyń sýdıasy (1995-2009); Jambyl oblystyq sotynyń azamattyq ister jónindegi alqasynyń tóraǵasy (2009); Jambyl oblystyq sotynyń kassatsııalyq sot alqasynyń tóraǵasy (2010-2015). QR Joǵarǵy sotynyń sýdıasy (2015-2020); Almaty qalalyq sotynyń tóraǵasy (2020-2025).
Qazirgi qyzmetin 2025 jyldyń maýsym aıynan beri atqaryp keledi.
Sergeı KARAShIEV, Avtomobıl kóligi jáne kóliktik baqylaý komıtetiniń tóraǵasynyń orynbasary
1971 jyly Atyraý qalasynda týǵan. Batys Qazaqstan agrarlyq-tehnıkalyq ýnıversıtetin jáne Q.Jubanov atyndaǵy Aqtóbe memlekettik ýnıversıtetin bitirgen.
Eńbek joly: Inder aýdanynda mehanık (1989); Oral-Kaspıı balyq sharýashylyǵyn qorǵaý departamentiniń Inder balyq sharýashylyǵyn qorǵaý ınspektsııasynyń memlekettik ınspektory (1992-1999); Aqtóbe oblysy boıynsha kólik baqylaý komıtetiniń qyzmetkeri (1999); Aqtóbe oblysy boıynsha kólik baqylaý komıteti basshysynyń orynbasary (2007-2017); Aqtóbe oblysy boıynsha kólik baqylaý ınspektsııasynyń basshysy (2017-05/2023); Atyraý oblysy boıynsha kólik baqylaý ınspektsııasynyń basshysy (05/2023-10/2025).
Qazirgi qyzmetine 2025 jyldyń qazanynda taǵaıyndaldy.
Anel BAQYTBEKQYZY, Qazaqstan Respýblıkasynyń Majarstandaǵy Tótenshe jáne Ókiletti Elshisi
1980 jyly týǵan. Abylaı han atyndaǵy Qazaq halyqaralyq qatynastar jáne álem tilderi ýnıversıtetin bitirgen (2003)
Eńbek joly: Úndistan Respýblıkasyndaǵy Qazaqstan Respýblıkasy Elshiliginiń attashesi (2004-2006); Sıngapýr Respýblıkasyndaǵy Qazaqstan Respýblıkasy Elshiliginiń úshinshi, ekinshi hatshysy (2006-2007); Azııadaǵy ózara is-qımyl jáne senim sharalary jónindegi keńes (AÓSShK) hatshylyǵynyń kásibı qyzmetkeri (2007-2014); Azııadaǵy ózara is-qımyl jáne senim sharalary jónindegi keńes (AÓSShK) hatshylyǵynyń atqarýshy dırektorynyń orynbasary (2014-2019); Birikken Ulttar Uıymy janyndaǵy Qazaqstan Respýblıkasynyń Turaqty ókiliniń orynbasary (2019-2023); Strasbýrgtegi (Frantsýz Respýblıkasy) Qazaqstan Respýblıkasynyń Bas konsýly (2023-2026).
Qazirgi qyzmetine 2026 jyldyń shildesinde kiristi.
Taıyr QARATAEV, «Astana Balet» teatrynyń dırektory
1989 jyly Almaty qalasynda týǵan. K.Baıseıitova atyndaǵy Respýblıkalyq daryndy balalarǵa arnalǵan arnaıy mýzyka mektebin, vıolonchel synybyn, Qurmanǵazy atyndaǵy Qazaq ulttyq konservatorııasyn aspapta oryndaýshylyq mamandyǵy boıynsha bitirgen (2011).
Eńbek joly: «Kamerata Qazaqstan» orkestriniń ártisi (2008); ártisi, Jambyl atyndaǵy Qazaq memlekettik fılarmonııasynyń Memlekettik akademııalyq sımfonııalyq orkestriniń ınspektory (2015-2016); gastroldik-kontserttik qyzmet jetekshisi, Jambyl atyndaǵy Qazaq memlekettik fılarmonııasy dırektorynyń orynbasary (2016-2018); Abaı atyndaǵy Qazaq memlekettik opera jáne balet teatry dırektorynyń basqarý jáne marketıng jónindegi orynbasary (2018-2019); Jambyl atyndaǵy Qazaq memlekettik fılarmonııasynyń dırektory (2020-2021); Qazaqstan Respýblıkasy Mádenıet jáne sport mınıstrligi janyndaǵy Abaı atyndaǵy Qazaq memlekettik akademııalyq opera jáne balet teatrynyń dırektory (2021-2023); Roza Baǵlanova atyndaǵy «Qazaqkontsert» memlekettik akademııalyq kontserttik uıymynyń dırektory (2023-2025).
2025 jyldyń maýsym aıynan beri qazirgi qyzmetinde.
