6 qarasha. Týǵan kún ıeleri
ESІMDER
98 jyl buryn (1920-1987) Ekinshi dúnıejúzilik soǵystyń ardageri, barlaýshylar bólimshesiniń komandıri, Keńes odaǵynyń batyry - Naǵı ІLIıASOV dúnıege keldi.
Ol Qyzylorda oblysy Tereńózek aýdanynyń «Qyzyl Kommýna» ujymsharynda týǵan. 1933-1936 jyldary balalar úıinde tórbıelengen. Orta Azııa ýnıversıtetiniń jumysshy fakýltetinde oqyǵan. 1937 jyly Tashkent pedýchılışesiniń úshinshi qýrsyna túsip, ony bitirgennen keıin Joǵarǵy Shyrshyq aýdanynda, al 1941 jyldan Qyzyl Armııa qataryna shaqyrylǵanǵa deıin (qańtar, 1942) Tereńózek aýdanyndaǵy Jádiger orta mektebinde muǵalim bolyp qyzmet atqarǵan. 1942 jyldyń qańtar aıynda maıdanǵa attanady. Ol Máskeýdi, Stalıngradty qorǵaýǵa, Elıstany, Rostovty, Donbasty azat etýge qatysty. Qazaq halqynyń adal uly Máskeýden Býdapeshtke deıingi joldy júrip ótti, Vengrııada, Avstrııada, Chehoslovakııada jaýǵa qarsy soǵysty. Urystaǵy erligi men batyrlyǵy, Dýnaı ózeninen ótý kezindegi tapqyrlyǵy úshin oǵan KSRO Joǵarǵy Keńesi Prezıdıýmynyń 1945 jylǵy 24 naýryzdaǵy Jarlyǵymen Keńes odaǵynyń batyry ataǵy berildi. Soǵystan keıingi jyldary týǵan jerinde jaýapty qyzmetter atqardy. Lenın, Eńbek Qyzyl Tý ordenimen, 3 dárejeli Dańq ordenimen, medaldarymen marapattaldy. Naǵı Іlııasov 1987 jyly 6 mamyrda qaıtys boldy. Buryńǵy «Qazaq SSR-iniń 50 jyldyǵy» keńshary (Syrdarııa aýdany) qazir Naǵı Іlııasovtiń esimimen atalady.
90 jyl buryn (1928-1978) Qazaqstandaǵy tas dáýiri arheologııasynyń negizin qalaýshy, alǵashqy qazaq maman arheologtarynyń biri Hasen ALPYSBAEV dúnıege keldi.
Pavlodar oblysynyń Baıanaýyl aýdanynda týǵan. 1945-1950 jyldary Tashkenttegi Ortalyq Azııa memlekettik ýnıversıtetiniń tarıh fakýltetinde oqyp júrip, A.Okladnıkov pen M.Masson basqarǵan arheologııalyq ekspedıtsııalarǵa, keıinnen Ońtústik Túrikmenııa arheologııalyq keshendi ekspedıtsııalaryna, KSRO Ǵylym akademııasy Qyrǵyz bólimshesiniń paleolıt otrıadyna, keıin Soltústik Qazaqstan, Іle arheologııalyq ekspedıtsııasyna qatysqan. 1957-1960 jyldary Qarataý paleolıt otrıadyn basqarǵan. Tómengi paleolıt dáýiriniń adamdary qolymen jasalǵan tuńǵysh quraldar tabylǵan Bóriqazan, Táńirqazǵan, t.b. tas dáýiri turaqtaryn ashqan. Ǵalym ómiriniń sońyna deıin Qazaqstan Ǵylym akademııasy Tarıh, arheologııa jáne etnografııa ınstıtýtynyń arheologııa bólimshesinde qyzmet istegen. Onyń «Ońtústik Qazaqstannyń tómengi paleolıt eskertkishteri» atty eńbegi bar.
55 jyl buryn (1963) Qazaqstan Respýblıkasy Prezıdentiniń Ákimshiligi Basshysynyń orynbasary Ońdasyn Seıiluly ORAZALIN dúnıege keldi.
1985 jyly Aqtóbe pedagogıkalyq ınstıtýtyn, 1991 jyly S.M.Kırov atyndaǵy Qazaq memlekettik ýnıversıtetin bitirgen.
1985-1986, 1987-1988 jyldary - Aqtóbe pedagogıkalyq ınstıtýtynyń oqytýshysy. 1988-1990 jyldary - Aqtóbe pedagogıkalyq ınstıtýtynyń komsomol komıtetiniń hatshysy. 1990-1993 jyldary - jarnamalyq aqparattyq-kommertsııalyq agenttiktiń bólim bastyǵy. 1993-1999 jyldary - «Bank «Rıka» AAQ basqarma tóraǵasy. 1999-2000 jyldary - «Obltransgaz» JAQ, «Aqtóbegaz» JAQ basqarma tóraǵasy. 2000-2003 jyldary - Aqtóbe oblysynyń Muǵaljar aýdanynyń ákimi. 2003-2004 jyldary - Aqtóbe oblystyq syrtqy ekonomıkalyq baılanystar jáne ınvestıtsııalar basqarmasynyń bastyǵy. 2004-2005 jyldary - Aqtóbe oblysy ishki saıasat departamentiniń dırektory. 2005-2006 jyldary - Aqtóbe oblysy ákiminiń orynbasary. 2006-2007 jyldary - Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý jumystary bóliminiń memlekettik ınspektory. 2007-2008 jyldary - Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý jumystary bóliminiń meńgerýshisiniń orynbasary. 2008 jyldyń naýryz ben qazan aralyǵynda - Qazaqstan Respýblıkasy Prezıdenti Ákimshiliginiń memlekettik baqylaý jáne kadrlyq-uıymdastyrý jumysy bóliminiń meńgerýshisiniń orynbasary. 2008-2014 jyldary - Qazaqstan Respýblıkasy Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń meńgerýshisiniń orynbasary. 2014-2017 jyldary - Qazaqstan Respýblıkasy Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń meńgerýshisi.
Qazirgi qyzmetin 2017 jyldyń naýryzynan bastap atqarýda.
«Qurmet» ordenimen (2008) jáne 3 medalmen marapattalǵan.
55 jyl buryn (1963) «QazAvtoJol» UK» AQ Basqarma tóraǵasynyń orynbasary Berik Dáýletqanuly JELDІKBAEV dúnıege keldi.
1986 jyly Óskemen qurylys-jol ınstıtýtyn «Avtojoldar» mamandyǵy boıynsha bitirgen.
Eńbek jolyn 1986 jyly «Prıkaspııskııdorstroı» qurylys-óńdiristik birlestiktiń №3 qurylysty mehanızatsııalaý basqarmasynyń sheberi retinde bastady, sodan keıin qurylys jumystaryndaǵy tikeleı basshysy, ýchaskeniń basshysy, №3 fılalynyń dırektory (1993 j.), «Afdan» AQ óndiris jónindegi vıtse-prezıdent (1999 j.) qyzmetterin atqardy. 1999 jyly «Qazaqavtojol» RMQK Paıdalaný bóliminiń basshysy retinde taǵaıyndalǵan. 2001-2004 jyldary Astana qalasyndaǵy «Kaspıı Munaı Qurylys» JAQ ókildiginiń dırektory, avtojol qurylysy jónindegi Vıtse-prezıdent qyzmetin atqardy. 2004 jyldyń sáýir aıynan bastap 2006 jyldyń sáýirine deıin Qazaqstan Respýblıkasy Kólik jáne kommýnıkatsııa mınıstrliginiń Kólik ınfraqurylymyn damytý komıtetiniń Syrtqy zaımdar jáne ınvestıtsııalyq jobalar jónindegi basqarmasy dırektorynyń orynbasary. 2006 jyldyń sáýir aıynan bastap 2011 jyldyń naýryzyna deıin - Qazaqstan Respýblıkasy Kólik jáne kommýnıkatsııalar mınıstrliginiń Avtomobıl joldary komıteti Atyraý oblystyq basqarmasynynyń dırektory, Ońtústik Qazaqstan oblystyq departamentiniń dırektory, Qyzylorda oblystyq departamentiniń dırektory. 2011 jyldyń mamyr aıynan 2012 jyldyń naýryz aıyna deıin - Qazaqstan Respýblıkasy Kólik jáne kommýnıkatsııalar mınıstriniń keńesshisi. 2014 jyldyń maýsym aıynda «QazAvtoJol» UK» AQ Almaty oblystyq fılalynyń dırektory, qarasha aıynda Jambyl oblystyq fılalynyń dırektory. 2015 jyldyń sáýir aıynan 2016 jyldyń shilde aıyna deıin «QazAvtoJol» UK» AQ Aqmola oblystyq fılalynyń dırektory.
2016 jyldyń shilde aıynan bastap - «QazAvtoJol» UK» AQ Basqarma tóraǵasynyń orynbasary.
44 jyl buryn (1974) Qazaqstan Respýblıkasynyń Italııa Respýblıkasyndaǵy Tótenshe jáne Ókiletti Elshisi, Maltadaǵy, San-Marınodaǵy (2016 jyldan beri) Tótenshe jáne Ókiletti Elshisi qyzmetin qosa atqarýshy Sergeı Nurtaıuly NURTAEV dúnıege keldi.
Ál-Farabı atyndaǵy Qazaq ulttyq ýnıversıtetin bitirgen. Qazaqstan Respýblıkasynyń Syrtqy ister mınıstrliginiń Almaty qalasyndaǵy ókildiginiń úshinshi hatshysy, 2002-2004 jyldary Qazaqstan Respýblıkasynyń Ulybrıtanııadaǵy Elshiliginiń úshinshi hatshysy, 2004 jyldyń naýryz aıynan Qazaqstan Respýblıkasynyń Sankt-Peterbýrg qalasyndaǵy Bas konsýly bolyp qyzmetter atqarǵan. 2007 jyldan - Qazaqstan Respýblıkasynyń Grekııa Respýblıkasyndaǵy isteri boıynsha ýaqytsha senimdi ókili. 2015 jyldyń qyrkúıeginen qazirgi qyzmetinde.
44 jyl buryn (1974) Qazaqstan Respýblıkasy Joǵarǵy sotynyń sýdıasy Nurjan Ótepbaıuly JOLDASBEKOV dúnıege keldi.
Ol qazirgi Túrkistan oblysynda dúnıege kelgen. 1997 jyly E.A.Býketov atyndaǵy Qaraǵandy memlekettik ýnıversıtetin «zańger» mamandyǵy boıynsha támamdaǵan.
Eńbek jolyn 1991 jyly burynǵy Shymkent oblysy Kırov aýdandyq áleýmettik qamsyzdandyrý bóliminiń áleýmettik jumysshysy retinde bastaǵan. 1992-1993 jyldary Shymkent oblysy «Jıdek» sharýa qojalyǵynyń jumysshysy, 1997-1999 jyldary SQO Ádilet basqarmasynyń bas mamany, jetekshi mamany, 1999-2000 jyldary QR Ádilet mınıstrligi Sot úkimderiniń oryndalýy komıtetiniń Uıymdastyrý-taldaý jumystary bóliminiń bastyǵy, 2000-2001 jyldary QR Ádilet mınıstrligi Sot úkimderiniń oryndalýy komıtetiniń Atqarylý óndirisi men prıstavtar jumysyn qamtamasyz etý basqarmasynyń bas mamany bolǵan. 2001 jyly QR Joǵarǵy sotynda bólim bastyǵy, 2001-2004 jyldary QR Prezıdent Ákimshiligi memlekettik-quqyqtyq bóliminiń bas eksperti, konsýltant, 2004-2012 jyldary Astana qalalyq №2 Saryarqa aýdandyq sotynyń sýdıasy, tóraǵasy bolyp qyzmet etken. 2012-2015 jyldary Pavlodar oblystyq sotynyń qylmystyq ister boıynsha apellıatsııalyq sot alqasynyń tóraǵasy bolǵan.
Qazirgi qyzmetinde - 2015 jyldyń jeltoqsanynan.