6 qarasha. QazAqparat kúntizbesi
6 qarasha. SEISENBІ
Tájikstan Respýblıkasynda konstıtýtsııa kúni
Tájikstannyń qazirgi konstıtýtsııasy KSRO kúıregennen jáne Tájikstan táýelsiz memleket atanǵannan keıin 1994 jyly qabyldanǵan.
Halyqaralyq qarýly qaqtyǵystar kezinde qorshaǵan ortany saqtaý kúni
BUU Bas Assambleıasynyń 2001 jylǵy 5 qarashadaǵy 56/4 qarary boıynsha atap ótiledi. Bul sheshimdi qabyldaýda BUU qarýly qaqtyǵystardyń qorshaǵan ortaǵa tıgizetin keri áseri uzaq ýaqytqa deıin ekojúıe men tabıǵı resýrstarǵa zııanyn tıgizetinin negizge aldy.
Domınıkan Respýblıkasynyń Konstıtýtsııa kúni
Konstıtýtsııa 1844 jyly 6 qarashada San-Krıstobal qalasynda qabyldandy.
ESTE QALAR OQIǴALAR
1992 jyly Almatydaǵy Raıymbek batyr kóshesiniń boıyndaǵy zıratta ataqty ánshi Ámire Qashaýbaevqa qoıylǵan eskertkish-qulpytastyń ashylý saltanaty boldy.
2004 jyly Astana qalasynyń ákimdigi men Seýl qalasynyń meri Qazaqstan men Koreıa respýblıkalarynyń astanalary arasynda baýyrlastyq qatynas ornatý jónindegi kelisimge qol qoıdy. Bul - saýda-ekonomıkalyq jáne mádenı-gýmanıtarlyq salalardaǵy yntymaqtastyq, sonymen qatar qalalyq ınfraqurylym máselelerindegi ózara is-qımyl jónindegi kelisim.
2007 jyly Kaır qalasynda «Qazaqstan Respýblıkasynyń Úkimeti men Mysyr Arab Respýblıkasynyń Úkimeti arasynda Kaır qalasynda Beıbarys sultannyń meshitin qalpyna keltirý jónindegi yntymaqtastyq týraly kelisimge» qol qoıyldy. Bul qujattyń negizinde Qazaqstan, XIII ǵasyrda salynǵan nysandardyń bastysy jáne ortaǵasyrlyq sáýlet óneriniń jaýhar eskertkishi sanalatyn bul meshitti qalpyna keltirýge 4,5 mln AQSh dollary kóleminde qarjy bólip otyr.
2009 jyly Almatyda «Órleý» jas balet ártisteriniń teatry ashyldy. Teatr A.Seleznev atyndaǵy Almaty horeografııalyq ýchılışesiniń 75 jyldyǵyna oraı ashylǵan.
2009 jyly Qazaqstan Respýblıkasynyń Prezıdenti Nursultan Nazarbaev Italııa Respýblıkasyna resmı sapary aıasynda Qazaqstan men Italııa arasynda Strategııalyq áriptestik týraly shartqa qol qoıyldy.
2015 jyly Parıjde ótip jatqan ıÝNESKO Bas konferentsııasynyń 38-sessııasynda QR Prezıdenti Nursultan Nazarbaev sóz sóıledi. Uıymnyń 70 jyldyǵyna arnalǵan sessııa mereıtoılyq sıpatta ótti. Kúntártibinde baǵdarlama jáne bıýdjetti bekitý, ıÝNESKO-nyń qazirgi kezdegi ózekti máselelerin sheshýge, onyń ishinde 2015 jyldan keıingi kezeńde ornyqty damý maqsatyn iske asyrý úderisine qatysý máseleleri qaraldy.
2016 jyly Japonııada QR Prezıdenti N.Nazarbaevtyń qurmetine resmı túrde eń ádemi dep tanylǵan baqytgúliniń (hrızantema) jańa túri shyǵaryldy.
2016 jyly Qazaqstan Prezıdenti Japonııa Imperatory Akıhıtomen kezdesti. Kezdesý barysynda Qazaqstan men Japonııa arasyndaǵy qazirgi qarym-qatynastyń ahýaly jáne ony aldaǵy ýaqytta qarqyndy damytý perspektıvalary talqylandy.
2017 jyly japon qoǵamdastyǵyna alǵash ret «Prezıdent Nazarbaev» dep atalatyn hrızantema surpy usynyldy. Bul gúl 2016 jyly Memleket basshysynyń Japonııaǵa jasalǵan resmı sapary barysynda ósirilip, tanystyrylǵan bolatyn. «Prezıdent Nazarbaev» hrızantemasy bıiktigi 2 metrge deıin jetedi, tyǵyz ornalasqan kúltelerimen jáne adamnyń basyna teń keletindeı sary túıneginiń kólemimen erekshelenedi.
2017 jyly Malaızııanyń Kýchınge qalasynda qazaqstandyq veloshabandoz Kırıll Kazantsev maýntınbaıktan Azııa kýbogynyń jeńimpazy atandy.