6 qap marıhýana saqtaǵan eki aqtaýlyq 10 jylǵa sottaldy
AQTAÝ. QazAqparat - Aqtaý qalasy «Promzona» óndiristik aýmaǵynda 2 azamat kólikte 6 qap marıxýana saqtaǵan, dep xabarlaıdy QazAqparat tilshisi.
O. jáne K. esimdi azamattardyń «Mersedes Benz» avtokóliginiń júksalǵyshy men salonynan iri mólsherde marıhýana esirtki zaty salynǵan 6 qap alynǵan. Onyń ishinde 139 kg 295 gr esirtki bolǵan.
Atalmysh qylmystyq is Mańǵystaý oblysynyń qylmystyq ister jónindegi mamandandyrylǵan aýdanaralyq sotynda qaraldy. Keshe QR QK 297-baby 3-bóliginiń 1, 3- tarmaqtary («Aldyn ala sóz baılasqan adamdar toby bolyp asa iri mólsherdegi esirtki zattardy ótkizý maqsatynda zańsyz saqtaý») boıynsha sot úkimi shyqty.
Sot sheshimimen O. jáne K. kináli dep tanylyp, árqaısysyna 10 jyl merzimge bas bostandyǵynan aıyrý jazasy taǵaıyndaldy.
Úkim zańdy kúshine endi.
Illıýstratsııalyq foto
