6 qańtar. Tulǵalar týǵan kún
Búgin, 6 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
67 jyl buryn (1959) Qazaqstan Respýblıkasy Parlament Senaty janyndaǵy Senatorlar keńesiniń múshesi Sergeı Nıkolaevıch GROMOV dúnıege keldi.
Taldyqorǵan oblysynda týǵan. Jambyl gıdromelıoratıvtik-qurylys ınstıtýtyn, Almaty saıasattaný jáne basqarý ınstıtýtyn, «Áýlıe-Ata» ýnıversıtetin bitirgen. Ekonomıka ǵylymdarynyń kandıdaty.
Ár jyldary assıstent, oqytýshy, Instıtýttyń komsomol hatshysy, aýdandyq partııa komıtetiniń birinshi hatshysy, sovhoz partkomynyń hatshysy, bas dırektor, aýdan ákimi, Ońtústik Qazaqstan oblysy ákiminiń birinshi orynbasary, Prezıdent Ákimshiliginiń ınspektory, «Nur Otan» HDP Ortalyq apparatynyń jetekshisi, «Nur Otan» HDP tóraǵasynyń orynbasary, «Nur Otan» HDP hatshysy, QR Qorǵanys mınıstriniń orynbasary bolyp jumys atqarǵan.
2013-2019 jyldary QR Parlamenti Senatynyń depýtaty boldy. 2019-2021 jyldary QR Ekologııa, geologııa jáne tabıǵı resýrstar vıtse-mınıstri qyzmetin atqarǵan.
Qazirgi laýazymyn 2021 jyldyń jeltoqsan aıynan beri atqaryp keledi.
60 jyl buryn (1966) Qazaqstan Respýblıkasynyń Iran Islam Respýblıkasyndaǵy Tótenshe jáne Ókiletti Elshisi Ońtalap Serikbaıuly OŃALBAEV dúnıege keldi.
Qyzylorda oblysynda týǵan. Qazaq memlekettik ýnıversıtetin, Qazaq memlekettik zań ýnıversıtetin bitirgen.
Eńbek joly: 1994-1995 jyldary QR Syrtqy ister mınıstrliginde assıstent, 1995-1997 jyldary QR Syrtqy ister mınıstrligi Konsýldyq qyzmet departamentiniń attashesi, 1997-2001 jyldary Qazaqstan Respýblıkasynyń Irandaǵy Elshiliginiń úshinshi hatshysy, 2001-2003 jyldary Azııa, Taıaý Shyǵys jáne Afrıka departamentiniń birinshi hatshysy, QR Syrtqy ister mınıstrligi Konsýldyq qyzmet departamentiniń keńesshisi, 2003-2009 jyldary Qazaqstan Respýblıkasynyń Qyrǵyzstandaǵy Elshiliginiń birinshi hatshysy; Qazaqstan Respýblıkasynyń Irandaǵy Elshiliginiń birinshi hatshysy, keńesshisi, 2009-2011 jyldary Syrtqy ister mınıstrligi Azııa jáne Afrıka departamentiniń bastyǵy, 2011-2012 jyldary Qazaqstan Respýblıkasynyń Irandaǵy Elshiliginiń Mınıstr keńesshisi, 2012-2018 jyldary Gorgan qalasyndaǵy (Iran) Qazaqstan Respýblıkasynyń Bas konsýly, 2018-2019 jyldary DKS Taıaý Shyǵys, Azııa jáne Afrıka departamentiniń basshysy, 2019-2022 jyldary DKS dırektorynyń orynbasary, Taıaý, Taıaý Shyǵys jáne Afrıka departamentiniń dırektory, 2022-2024 jyldary Syrtqy ister mınıstriniń keńesshisi, QR Syrtqy ister mınıstrliginiń erekshe tapsyrmalar jónindegi Elshisi laýazymyn atqarǵan.
2024 jyldyń naýryz aıynan beri qazirgi qyzmetinde.
55 jyl buryn (1971) Abaı atyndaǵy Qazaq memlekettik akademııalyq opera jáne balet teatrynyń solısi Talǵat Perdebekuly KÚZEMBAEV dúnıege keldi.
Ońtústik Qazaqstan oblysy Báıdibek aýdany Alǵabas aýylynda týǵan. Qazirgi Qazaq ulttyq konservatorııasynyń vokaldyq-hor fakýltetin (1998) jáne onyń assıstentýrasyn (2000; professory H.Esimovtyń jetekshiligimen) bitirgennen keıin Qazaqtyń memlekettik akademııalyq opera jáne balet teatry trýppasyna qabyldandy, ánshi (dramalyq-barıton). Onyń operalyq-oryndaýshylyq repertýarynan qazaq kompozıtorlarynyń, sondaı-aq dúnıejúzilik klassıkalyq mýzyka shyǵarmalar keń oryn aldy.
Negizgi oryndaǵan partııalary: Janbota, Jıenqul (M.Tólebaev, «Birjan - Sara»), Abaı, Jırenshe (A.Jubanov pen Hamıdıdiń osy attas operasy), Bekejan (E.G.Brýsılovskıı, «Qyz Jibek»), Abylaı han Rahmadıevtiń osy attas operasy, 2004; QR Memlekettik syılyǵy, 2006). Sonymen qatar N.A.Rımskıı-Korsakov, P.I.Chaıkovskıı, J.Bıze, Dj. Pýchchını, Dj. Verdı operalarynda kúrdeli partııalardy oryndady.
Onyń oryndaýyndaǵy Qazaqstan Respýblıkasynyń memlekettik ánurany ántabaqqa jazyldy. Ol 2007 jyly Qazan qalasyndaǵy Tatar memlekettik akademııalyq opera jáne balet teatry sahnasynda Verdıdiń «Trýbadýr» operasyn qoıýǵa qatysty.
Sol jyly Qazaqtyń memlekettik akademııalyq opera jáne balet teatrynyń operalyq trýppasymen Kıprdegi Pafos qalasynda «Afrodıta» festıvaline qatysyp, Graf dı Lýna partııasyn (Verdı, «Trýbadýr») oryndady. K.Baıseıitova atyndaǵy respýblıka ánshiler baıqaýynyń (1998, 3-syılyq), Halyqaralyq «Shabyt» shyǵarmashyl jastar festıvaliniń (2001, 1-syılyǵy), B.Tólegenova atyndaǵy 2-halyqaralyq ánshiler baıqaýynyń (2004, 1-syılyq) laýreaty jáne Astrahan qalasynda ótken M.I. Glınka atyndaǵy halyqaralyq ánshiler baıqaýynyń dıplomanty (2003). QR Memlekettik syılyǵynyń laýreaty (2006).
48 jyl buryn (1978) Mańǵystaý oblysy ákimi apparatynyń basshysy Málik Seıilhanuly ÁBDІQADYROV dúnıege keldi.
1999 jyly «Qaınar» ýnıversıtetiniń zańger, 2011 jyly Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń munaı-gaz isi mamandyǵy boıynsha bitirgen. Sonymen qatar, 2011 jyly Aberdın Shotlandııa Ýnıversıtetiniń quqyq magıstrin támámdaǵan.
Eńbek jolyn 1999 jyly Beıneý aýdany Prokýrorynyń kómekshisi qyzmetinen bastap, 2014 jylǵa deıin oblys boıynsha prokýratýra salasynda túrli qyzmet atqarǵan. 2014-2015 jyldary «Lýkoıl Oversız» kompanııasynyń «Batys-Kýrına-2» jobasynyń ákimshilik menedjeri qyzmetin atqardy. 2017-2020 jyldary tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetiniń Mańǵystaý oblysy boıynsha departamenti basshysynyń orynbasary, departament basshysy, Básekelestikti qorǵaý jáne damytý komıtetiniń Mańǵystaý oblysy boıynsha departamentiniń basshysy qyzmetterin atqardy. 2020-2022 jyldary Aqtaý qalasy ákiminiń orynbasary, 2022 jyly Mańǵystaý oblysynyń Tabıǵı resýrstar jáne tabıǵat paıdalanýdy retteý basqarmasynyń basshysy qyzmetinde boldy.
2024 jyldyń shilde aıynan bastap qazirgi qyzmetinde.
45 jyl buryn (1981) Pavlodar oblysynyń dene shynyqtyrý jáne sport basqarmasynyń basshysy Azamat Bolatuly IMAShEV dúnıege keldi.
S. Seıfýllın atyndaǵy Aqmola agrarlyq ýnıversıtetin «ekonomıka jáne menedjment» mamandyǵy boıynsha, E.A. Bóketov atyndaǵy Qaraǵandy memlekettik ýnıversıtetin «dene shynyqtyrý jáne sport» mamandyǵy boıynsha aıaqtaǵan. Ekonomıka jáne bıznes magıstri.
Eńbek jolyn 2002 jyly Astana qalasyndaǵy Karate-do jáne jekpe-jek óneri federatsııasynyń menedjeri bolyp bastaǵan. 2007-2011 jyldary onyń vıtse-prezıdenti boldy. 2012-2022 jyldary Astana qalasynyń olımpıadalyq rezervti daıyndaý ortalyǵynyń jattyqtyrýshysy, Astana qalasynyń buqaralyq-sporttyq is-sharalardy ótkizý dırektsııasynyń basshysy, Astana qalasynyń №7 BJSM dırektory bolyp eńbek etti. 2022-2024 jyldary - Astana qalasynyń sportty damytý dırektsııasy dırektorynyń orynbasary. 2024 jyly QR týrızm jáne sport mınıstrliginiń sport jáne dene shynyqtyrý isteri komıteti tóraǵasynyń orynbasary bolyp jumys istedi.
Qazirgi laýazymyn 2024 jyldyń qarashasynan beri atqaryp keledi.
156 jyl buryn (1870-1917) Abaıdyń shyǵarmalaryn nasıhattaýshy, el arasyna taratýshy Múrseıit BІKEULY dúnıege keldi.
Ol Semeıde tórt jyldyq orys mektebin bitirgen. Orys, qazaq, arab ádebıetimen birshama tanys boldy. Biraz jyl Semeı oıazynyń keńsesinde tilmash ári pısar bolyp jumys istedi. El ishinde mektep ashyp, bala oqytady. Keıin uly aqyn Abaıdyń ádebı hatshysy bolǵan.
Múrseıit Abaı shyǵarmalarynyń 1909 jyly shyqqan tuńǵysh basylymynyń túpnusqasyn qurastyrýǵa qatysyp, oǵan korrektorlyq etken. Bizge Abaı eńbekteriniń túpnusqasy Bikeulynyń 1905, 1907, 1910 jyldardaǵy úsh qoljazbasy arqyly jetken.
Qazir bul qoljazbalar Qazaqstan Ulttyq Ǵylym akademııasynyń sırek kezdesetin qoljazbalar qorynda saqtaýly. Múrseıittiń abaıtaný ǵylymyna qosqan úlesin M.Áýezov «Jalpy, Abaı muralaryn kóshirip taratýshylar arasynda Múrseıit Bikeulynyń eńbegin aıryqsha atap ótý kerek» dep joǵary baǵalady.
94 jyl buryn (1932-2021) Qazaqstan ǵalymy, hımııa ǵylymynyń doktory, Qazaq KSR ǴA akademıgi, Qazaq KSR eńbegi sińgen qaıratker, Qazaq KSR ǵylym jáne tehnıka salasyndaǵy memlekettik syılyqtyń laýreaty, KSRO jáne Qazaqstannyń qurmetti múnaıshysy Nádir Kárimuly NÁDІROV dúnıege keldi.
Ázerbaıjan Respýblıkasy Nahıchevan aýdany Kıkach aýylynda týǵan.
1937 jyly ata-anasymen birge Qazaqstannyń Sarysý aýdanyna qonys aýdardy. Órnek aýylyndaǵy mektepte orta bilim aldy. 1953 jyly Qyzylorda pedagogıka ınstıtýtyn bitirdi. 1953-1956 jyldary Sholaqtaý kentinde (qazirgi Qarataý qalasy) mektepte hımııa pániniń muǵalimi, 1956-1959 jyldary Máskeý memlekettik pedagogıka ýnıversıtetiniń aspıranty, 1959-1968 jyldary Habarovsk pedagogıka ınstıtýtynyń kafedra meńgerýshisi, 1968-1975 jyldary Shymkenttegi Qazaq hımııa-tehnologııa ınstıtýtynda kafedra meńgerýshisi, ǵylymı jumys jónindegi prorektor, 1975-1986 jyldary Qazaqstan ǴA-nyń Munaı hımııasy jáne tabıǵı tuzdar ınstıtýtynyń dırektory, ǴA-nyń Bas ǵylymı hatshysy, 1987-1990 jyldary Búkilodaqtyq munaı ǵylymı-zertteý ınstıtýtynyń Qazaqstandaǵy bóliminiń bastyǵy, 1993-2000 jyldary QR Ulttyq ınjenerlik akademııasynyń 1-vıtse-prezıdenti, 1998 jyldan «Neft ı gaz» jýrnalynyń bas redaktory qyzmetin atqardy.
Qazaqstan Memlekettik syılyǵynyń ıegeri (1979); Qazaqstan ǵylymyna eńbek sińirgen qaıratker (1982); KSRO-nyń qurmetti munaıshysy (1986); I.M.Gýbkın atyndaǵy syılyqtyń ıegeri (1996); «HH ǵasyrdyń kórnekti ınjeneri» (2000); Q.I.Sátbaev atyndaǵy syılyqtyń ıegeri (2003). Qazaqstandaǵy «Barabang» atty kúrdter assotsıatsııasynyń prezıdenti, Qazaqstan halyqtary assambleıasynyń múshesi.
78 jyl buryn (1948-2024) Qazaqstannyń saıasat jáne qoǵam qaıratkeri Vladımır Nıkolaevıch REDKOKAShIN dúnıege keldi.
Almaty halyq sharýashylyǵy ınstıtýtyn, Chelıabınsk memlekettik mádenıet ınstıtýtyn bitirgen. Ekonomıst, mádenı-aǵartýshy jumysynyń uıymdastyrýshy-metodısi.
Jastar saraıy dırektorynyń orynbasary, dırektory, oblystyq mádenıet basqarmasynyń bastyǵy, Kongress-Holl saraıynyń dırektory, Astana qalasy máslıhatynyń hatshysy, Astana qalasynan saılanǵan Qazaqstan Respýblıkasy Parlamenti Senatynyń depýtaty bolyp qyzmet atqarǵan.
Túrli medaldarmen marapattalǵan.
57 jyl buryn (1969-2022) belgili jýrnalıst, medıa-menedjer Batyr Kákimjanuly QAZYBAEV dúnıege kelgen.
Almaty qalasynda týǵan. Ár jyldary QR Premer-mınıstriniń qoǵammen baılanys jónindegi keńesshisi, Premer-mınıstr keńsesi basshysynyń orynbasary sııaqty laýazymdy qyzmetter atqardy. «Jetinshi arna», Tengri FM, «Fokýs» gazeti, «Alash aınasy» gazeti, Massaget.kz saıty sekildi aýqymdy jobalarǵa jetekshilik etti.
Tengrinews.kz, Massaget.kz, Vesti.kz aqparattyq portaldary, «Tengri FM», «Juldyz FM» radıostantsııalary, sondaı-aq STV telearnasy sekildi birqatar aqparat resýrsy qaraıtyn «Alash Media Group» medıa holdınginiń bas dırektory qyzmetin atqarǵan.
2017 jyly ol Qazaqstan Medıa Alıansy quryltaıshylarynyń biri ári basqarma múshesi boldy.