6 qańtar. Týǵan kún ıeleri
ESІMDER
159 jyl buryn (1860-1917) Abaıdyń shyǵarmalaryn jınap, óz qolymen kóshirip, el arasyna taratýshy Múrseıit BІKEULY dúnıege keldi.
Ol Semeıde tórt jyldyq orys mektebin bitirgen. Orys, qazaq, arab ádebıetimen birshama tanys boldy. Biraz jyl Semeı oıazynyń keńsesinde tilmash ári pısar bolyp jumys istedi. El ishinde mektep ashyp, bala oqytady. Keıin uly aqynnyń ádebı hatshysy bolǵan.
Múrseıit Abaı shyǵarmalarynyń 1909 jyly shyqqan tuńǵysh basylymynyń túpnusqasyn qurastyrýǵa qatysyp, oǵan korrektorlyq etken. Bizge Abaı eńbekteriniń túpnusqasy Bikeulynyń 1905, 1907, 1910 jyldardaǵy úsh qoljazbasy arqyly jetken. Qazir bul qoljazbalar Qazaqstan Ulttyq Ǵylym akademııasynyń sırek kezdesetin qoljazbalar qorynda saqtaýly. Múrseıittiń Abaıtaný ǵylymyna qosqan úlesin M.Áýezov «Jalpy, Abaı muralaryn kóshirip taratýshylar arasynda Múrseıit Bikeulynyń eńbegin aıryqsha atap ótý kerek» dep joǵary baǵalady.
71 jyl buryn (1948) Qazaqstan Respýblıkasynyń belgili memleket qaıratkeri, Astana qalasynyń Qurmetti azamaty Vladımır Nıkolaevıch REDKOKAShIN dúnıege keldi.
Almaty halyq sharýashylyǵy ınstıtýtyn, Chelıabınsk memlekettik mádenıet ınstıtýtyn bitirgen. Ekonomıst, mádenı-aǵartýshy jumysynyń uıymdastyrýshy-metodısi. Jastar saraıy dırektorynyń orynbasary, dırektory, oblystyq mádenıet basqarmasynyń bastyǵy, Kongress-Holl saraıynyń dırektory, Astana qalasy máslıhatynyń hatshysy, Astana qalasynan saılanǵan Qazaqstan Respýblıkasy Parlamenti Senatynyń depýtaty bolyp qyzmet atqarǵan. Jeti medalmen marapattalǵan.
62 jyl buryn (1957) Qazaq qurylys jáne sáýlet ǵylymı-zertteý jáne jobalaý ınstıtýtynyń Normatıvterdi ázirleý ortalyǵynyń dırektory Ráshıt Japaruly ShÁRІPOV dúnıege kelgen.
Ol Jambyl qalasynda týǵan. Qazaq polıtehnıka ınstıtýtyn jylý jáne gazben qamtamasyz etý jáne jeldetý mamandyǵymen bitirgen (1979).
Eńbek joly: Jambyl jeldetý jumystary basqarmasynyń sheberi (1979-1981); Qazaq polıtehnıka ınstıtýtynyń Qarataý fılıalynda oqytýshy (1981-1984); Lenıngrad taý-ken ınstıtýtynda stajer-zertteýshi, aspırant (1984-1989); Qazaq polıtehnıka ınstıtýtynyń Qarataý fılıalynda oqytýshy, aǵa oqytýshy, kafedra meńgerýshisi (1989-1996); «ShARK» taý-ken geologııalyq kompanııasy» JShS dırektory (1996-2000); M.H. Dýlatı atyndaǵy Taraz memlekettik ýnıversıtetiniń ınjener-tehnıkalyq mamandyqtar fakýltetinde dekan orynbasary, aǵa oqytýshy (2000-2006); Q.I. Sátbaev atyndaǵy Qazaq ulttyq tehnıkalyq ýnıversıtetiniń Taý-ken ınstıtýtynyń «Jer astynda paıdaly qazbalardy óndirý» kafedrasynyń dotsenti (2006-2007); «KAZGOR» jobalaý akademııasynyń Ǵylymı zertteýler, aqparattyq jáne normatıvtik ázirlemeler ortalyǵynyń bas mamany, jetekshi ǵylymı qyzmetkeri, akademııanyń standarttaý jónindegi «Sáýlet, qala salý jáne qurylys» tehnıkalyq komıtetiniń jaýapty hatshysy (2007-2010); QR Tótenshe jaǵdaılar mınıstrliginde jetekshi ınjener, (2010-2012); «KAZGOR» jobalaý akademııasynyń Ǵylymı zertteýler, aqparattyq jáne normatıvtik ázirlemeler ortalyǵynyń bas mamany, salalyq ǵylymı-zertteý zerthanasynyń meńgerýshisi (2012-2013); «Qazaq qurylys jáne sáýlet ǵylymı-zertteý jáne jobalaý ınstıtýty» AQ taldaý jáne ádisnama bóliminiń bastyǵy, Normatıvterdi ázirleý ortalyǵynyń dırektory, tehnıkalyq komıtettiń jaýapty hatshysy (2013-2015).
Qazirgi laýazymy 2015 jyldan beri atqaryp keledi.
60 jyl buryn (1959) Qazaqstan Respýblıkasy Parlamenti Senaty tóraǵasynyń orynbasary Sergeı Nıkolaevıch GROMOV dúnıege keldi.
Taldyqorǵan oblysynda týǵan. Jambyl gıdromelıoratıvtik-qurylys ınstıtýtyn, Almaty saıasattaný jáne basqarý ınstıtýtyn, «Áýlıe-Ata» ýnıversıtetin bitirgen. Ekonomıka ǵylymdarynyń kandıdaty.
Ár jyldary: assıstent, oqytýshy, Instıtýttyń komsomol hatshysy, aýdandyq partııa komıtetiniń birinshi hatshysy, sovhoz partkomynyń hatshysy, bas dırektor, aýdan ákimi, Ońtústik Qazaqstan oblysy ákiminiń birinshi orynbasary, Prezıdent Ákimshiliginiń ınspektory, «Nur Otan» halyqtyq-demokratııalyq partııasynyń Ortalyq apparatynyń jetekshisi, «Nur Otan» halyqtyq-demokratııalyq partııasy tóraǵasynyń orynbasary, «Nur Otan» halyqtyq-demokratııalyq partııasynyń hatshysy, Qazaqstan Respýblıkasynyń Qorǵanys mınıstriniń orynbasary bolyp jumys atqarǵan. Qazaqstan Respýblıkasy Prezıdentiniń Jarlyǵymen Qazaqstan Respýblıkasy Parlamenti Senatynyń depýtaty bolyp 2013 jyldyń qyrkúıek aıynan taǵaıyndalǵan.
Qazirgi qyzmetin 2016 jylǵy qańtardan beri atqaryp keledi.
59 jyl buryn (1960) Astana qalalyq dene shynyqtyrý jáne sport basqarmasynyń basshysy Berik Boranbaıuly MARJYQPAEV dúnıege keldi.
Aqmola oblysy, Qyrqynshy bekette týǵan. S. Seıfýllın atyndaǵy Tselınograd memlekettik pedogogıkalyq ınstıtýtyn (qazirgi L.N.Gýmılev atyndaǵy Eýrazııa Ulttyq ýnıversıteti) dene shynyqtyrý mamandyǵy boıynsha bitirdi. KSRO sport sheberi. Keńes áskeri qatarynda bólim komandıri jáne zapastaǵy ofıtser boldy. 1985 jyly Aqmola oblysy, Astrahan aýdanynyń Krasnogvardııa orta mektebinde dene shynyqtyrý páni muǵalimi bolyp jumys istep, 1989 jyly atalǵan mektep dırektory boldy. Krasnogvardııa orta mektebine 1994 jylǵa deıin basshylyq etti. 1994 jyldan 2006 jylǵa deıin Astana qalasynyń Keden basqarmasynda qyzmet atqardy. 2005 jyly «Bokstan Qazaqstan Respýblıkasynyń eńbek sińirgen jattyqtyrýshysy» ataǵyn aldy. 2006-2008 jyldar aralyǵynda Astana qalasy dene tárbıesi jáne sport basqarmasynyń basshysy boldy. 2008-2009 jyldar aralyǵynda «Astana» kásibı fýtbol klýbynyń dırektory boldy. 2009-2011 jyldar aralyǵynda «Ulttyq shtattyq komandalar jáne sporttyq rezerv dırektsııasy» MKQK dırektorynyń orynbasary boldy. 2012 jyly «Qurmet» ordenimen marapattaldy. 2015 jyldyń 9 aqpanynan bastap Astana qalasynyń Dene shynyqtyrý jáne sport basqarmasynyń basshysy bolyp taǵaıyndaldy.
«Qurmet» ordenimen marapattalǵan (2012).
54 jyl buryn (1965) Qostanaı oblysy Qostanaı aýdanynyń ákimi Qaırat Jumashuly AHMETOV dúnıege kelgen.
Ol Qostanaı oblysynda týǵan. Tselınograd aýyl sharýashylyǵy ınstıtýtyn bitirgen (1987), ǵalym agronom. Meńdiqara aýdanynyń «Qaratal» keńsharynda jumysshy (1981-1982); Meńdiqara aýdanynyń «Kamensk-Ýralskıı» keńsharynyń bólimshe agronymy (1987-1988); Mendiqara aýdany «Qaratal» keńsharynda ınspektor-gıdrotehnık (1988-1989); Qostanaı oblysy Áýlıekól aýdany «Novonejın» keńsharynda bólimshe basqarmasy, bas agronom, ekonomıst (1989-1993); Áýlıekól aýdany «Qazanbasy» keńsharynda bas agronom (1993-1995); «Qazanbasy» ujymdyq kásiporynynyń atqarýshy dırektory (1995-1998); «Qazanbasy» UK «Qyzyl tań» JShS dırektory (1998-2000); Qazaqstan Respýblıkasynyń Aýyl sharýashylyǵy mınıstrligi Qostanaı oblystyq aýmaqtyq basqarmasy bastyǵynyń mindetin atqarýshy (2000-2002); Qostanaı oblysy Mendiqara aýdanynyń ákimi (2002-2006); Qostanaı oblysy aýyl sharýashylyǵy departamentiniń dırektory (2006-2007); Qarasý aýdanynyń ákimi (2007-2010); Fedorov aýdanynyń ákimi (2010-2016).
Qazirgi laýazymyn 2016 jylǵy shildeden beri atqaryp keledi.
«Qurmet» ordenimen (2008); «Qazaqstan Respýblıkasynyń táýelsizdigine 10 jyl» (2001); «Qazaqstan Konstıtýtsııasyna 10 jyl» (2005) medaldarymen marapattalǵan.
48 jyl buryn (1971) Abaı atyndaǵy Qazaq memlekettik akademııalyq opera jáne balet teatrynyń ánshisi Talǵat Perdebekuly KÚZEMBAEV dúnıege keldi.
Ońtústik Qazaqstan oblysy Báıdibek aýdany Alǵabas aýylynda týǵan. Qazirgi Qazaq ulttyq konservatorııasynyń vokaldyq-hor fakýltetin (1998) jáne onyń assıstentýrasyn (2000; professory H. Esimovtyń jetekshiligimen) bitirgennen keıin Qazaqtyń memlekettik |akademııalyq opera jáne balet teatry trýppasyna qabyldandy, ánshi (dramalyq-barıton). Onyń operalyq-oryndaýshylyq repertýarynan qazaq kompozıtorlarynyń, sondaı-aq dúnıejúzilik klassıkalyq mýzyka shyǵarmalar keń oryn aldy.
Negizgi oryndaǵan partııalary: Janbota, Jıenqul (M.Tólebaev, «Birjan - Sara»), Abaı, Jırenshe (A.Jubanov pen Hamıdıdiń osy attas operasy), Bekejan (E.G.Brýsılovskıı, «Qyz Jibek»), Abylaı han Rahmadıevtiń osy attas operasy, 2004; QR Memlekettik syılyǵy, 2006). Sonymen qatar N.A. Rımskıı-Korsakov, P.I.Chaıkovskıı, J.Bıze, Dj. Pýchchını, Dj. Verdı operalarynda kúrdeli partııalardy oryndady.
Onyń oryndaýyndaǵy Qazaqstan Respýblıkasynyń memlekettik ánurany ántabaqqa jazyldy. Ol 2007 jyly Qazan qalasyndaǵy Tatar memlekettik akademııalyq opera jáne balet teatry sahnasynda Verdıdiń «Trýbadýr» operasyn qoıýǵa qatysty. Sol jyly Qazaqtyń memlekettik akademııalyq opera jáne balet teatrynyń operalyq trýppasymen Kıprdegi Pafos qalasynda «Afrodıta» festıvaline qatysyp, Graf dı Lýna partııasyn (Verdı, «Trýbadýr») oryndady. K.Baıseıitova atyndaǵy respýblıka ánshiler baıqaýynyń (1998, 3-syılyq), Halyqaralyq «Shabyt» shyǵarmashyl jastar festıvaliniń (2001, 1-syılyǵy), B.Tólegenova atyndaǵy 2-halyqaralyq ánshiler baıqaýynyń (2004, 1-syılyq) laýreaty jáne Astrahan qalasynda ótken M.I. Glınka atyndaǵy halyqaralyq ánshiler baıqaýynyń dıplomanty (2003). QR Memlekettik syılyǵynyń laýreaty (2006).