-6 gradýsqa deıin úsik júredi: Sársenbige aýa raıy boljamy
NUR-SULTAN. QazAqparat - Atmosferalyq fronttardyń ótýine baılanysty 22 mamyr kúni jańbyr jaýady. Respýblıkanyń tek batysynda jáne ońtústik-batysynda ashyq aýa raıy saqtalady. Keı jerlerde naızaǵaı, tuman, jeldiń kúsheıýi, daýyl kútiledi, burshaq jaýýy múmkin, dep habarlaıdy QazAqparat.
«Qazgıdromet» RMK málimetinshe, Jambyl oblysynyń keı jerlerinde naızaǵaı kútiledi, burshaq jaýýy múmkin, jeldiń kúshi 23-28 m/s kúsheıedi.
Almaty oblysynyń keı jerlerinde naızaǵaı boljanady, burshaq jaýýy múmkin, jeldiń jyldamdyǵy 25 m/s artady.
Shyǵys Qazaqstan oblysynyń keı jerlerinde naızaǵaı, daýyl kútiledi, burshaq jaýýy múmkin, jel ekpini 25 m/s jetedi.
Qaraǵandy oblysynyń keı jerlerinde naızaǵaı, tuman kútiledi, burshaq jaýýy múmkin, kúndiz keı jerlerinde jel 15-20 m/s kúsheıedi.
Soltústik Qazaqstan oblysynyń keı jerlerinde tuman kútiledi, kúndiz keı jerlerinde burshaq jaýýy múmkin, jel 15-20 m/s artady.
Aqmola oblysynda tuman, naızaǵaı, burshaq bolady, jeldiń kúshi 15-20 m/s artady.
Túrkistan oblysynyń keı jerlerinde naızaǵaı, daýyl kútiledi, burshaq jaýýy múmkin, jel 15-20 m/s kúsheıedi.
Qostanaı oblysynda túnde jáne tańerteń keı jerlerde tuman kútiledi, kúndiz jel 15-20 m/s jetedi.
Qyzylorda oblysynda jel 15-20 m/s kúsheıedi.
Kúndiz Pavlodar oblysynyń keı jerlerinde naızaǵaı kútiledi, jeldiń ekpini 15-20 m/s jetedi.
Túnde Aqmola, Pavlodar oblystarynyń keı jerlerinde 1-6 gradýs, Qostanaı, Soltústik Qazaqstan, Qaraǵandy oblystarynda -3 gradýs, Aqtóbe oblysynda -1 gradýs úsik júredi.
