6 balasyn óltirgen ata-anaǵa aıyp taǵyldy
ASTANA. 2 maýsym. QazAqparat - Ulybrıtanııada alty balasyn o dúnıege attandyrǵan jubaılarǵa adam óltirdi degen aıyp taǵyldy. Mundaı sheshimdi Derbıshırdiń bitimger soty ótken táýlikte qabyldady. Bul týraly BNews.kz habarlaıdy.
Ádilet organdarynyń málimdeýinshe, Maık pen onyń áıeli Meırıd balalardyń beseýin uıyqtap jatqanda tútinmen tunshyqtyryp óltirgen. Al, altynshy bala - 13 jasar jasóspirim eki kúnnen keıin aýrýhanada kóz jumdy. Kelesi kúni jetkinshekterdiń ákesi men sheshesi baspasóz maslıhatyn ótkizip, óz isterine ózderi senbeıtinin aıtyp, kóz jastaryna erik berdi. Al, búgin olar aýyr qylmystary úshin Nottıngem koroldik sotynyń aldynda jaýap bere bastaıdy.
