6 balasy bar shymkenttik kelinshek polıtseımin dep jurtty aldaǵan
ShYMKENT. QazAqparat - Shymkentte alaıaq áıel polıtseılerdiń kıimin kıip, jurtty aldap kelgen. Ol ózin polıtsııa leıtenantymyn dep tanysyryp, alaıaqtyq jolmen aqsha tapqan, dep habarlaıdy QazAqparat HAA tilshisi.
Qalanyń 53 jastaǵy turǵyny polıtsııaǵa aryzdanyp kelgen. Aıtýynsha, bir kelinshek ózin tártip saqshysymyn dep senimine kirip, múgedektik boıynsha tirkeýge qoıý úshin 100 myń teńgesin alǵan. Alaıda jábirlenýshige jalǵan anyqtama berip, artynsha qashyp ketken.
Osy aryz negizinde polıtseıler aqsha alǵan áıeldi izdeýge kirisken. Jedel izdestirý sharalary barysynda kúdikti degen kelinshek qolǵa tústi. Ol buryn alaıaqtyq áreketi úshin túrmede jazasyn ótep kelgen 6 balanyń anasy bolyp shyqty. 36 jastaǵy seziktiniń jaldamaly páterin tintý kezinde polıtsııa qyzmetkeriniń kıimi, jalǵan qujattar men aıǵaqty zattar tabylǵan. Tergeý barysynda alaıaq áıel jan baǵý úshin osyndaı qylmysqa barǵanyn aıtypty. Ázirge onyń 4 faktige qatysy bar ekeni anyqtalyp otyr.
Іshki ister qyzmetkerleri kúliktiniń ústinen Qylmystyq kodekstiń 190-baby «Alaıaqtyq» boıynsha is qozǵap, tergeý sharalaryn júrgizýde.
Tártip saqshylary osy áıelden aldanyp qalǵandar bolsa polıtsııa bólimshelerine nemese «102» nómerine habarlasýlaryn suraıdy.
