6 aıda jaldamaly turǵyn úı qurylysy boıynsha 946 páter berildi
ASTANA. 23 shilde. QazAqparat - Ótken alty aıda elimizde jaldamaly turǵyn úı qurylysy boıynsha 946 páter paıdalanýǵa berildi.
Bul týraly búgin Úkimet otyrysynda Ekonomıka jáne bıýdjettik josparlaý mınıstri Erbolat Dosaev málim etti.
Mınıstr sóz arasynda «Turǵyn úı-kommýnaldyq sharýashylyqty jańǵyrtý» jáne «Qoljetimdi baspana - 2020» baǵdarlamalaryn iske asyrý jáne olardy iske asyrýǵa bólingen qarajatty ıgerý boıynsha túbegeıli sharalar qabyldaý qajettigin jetkizdi.
«Qoljetimdi baspana - 2020» baǵdarlamasy boıynsha 2013 jyly barlyq qarjylandyrý kózderi esebinen jalpy kólemi 6,6 mln. sharshy metr turǵyn úıdi paıdalanýǵa berýimiz qajet. Ótken 6 aıdyń ishinde turǵyn úıdi paıdalanýǵa berý deńgeıi jyldyq josparǵa qaraǵanda 45 paıyzdy qurady. 2013 jylǵy 1 shildedegi jaǵdaı boıynsha kezektegiler úshin jaldamaly turǵyn úı qurylysyna qatysty 57,7 myń sharshy metr nemese 946 páter paıdalanýǵa berildi jáne satyp alyndy, bul jospardyń 14 paıyzyn quraıdy», - deıdi mınıstr.
Onyń sózine qaraǵanda, atalǵan baǵyttaǵy qarajattardy tolyq ıgermeý Mańǵystaý (71%) jáne Aqmola oblystarynda (76%) baıqalady.
