6 aıda elektrondy saýda kólemi 1,5 trln teńgeni qurady

ASTANA. KAZINFORM - 2024 jyldyń birinshi jartyjyldyǵynda Qazaqstandaǵy elektrondy saýda kólemi shamamen 1,5 trln teńgeni qurady, bul byltyrǵy jyldyq kólemniń shamamen 62% quraıdy, dep habarlaıdy QR Úkimetiniń baspasóz qyzmeti. 

• «Atameken» UKP jáne iri marketpleıstermen birlesip Kaspi.kz, JMart.kz, Wildberries, Ozon, MTi elektrondy saýdany oqytý kýrstary bastaldy. Búgingi tańda 800-den astam kásipkerlik sýbektisi osy kýrstardan ótti.

• Elektrondy saýdany damytýdyń 2027 jylǵa deıingi jospary ázirlenip, qabyldandy. «Damý» kásipkerlikti damytý qorymen yntymaqtastyq kezinde qaryzdardy sýbsıdııalaý men kepildendirýdi qosa alǵanda, elektrondy saýda sýbektilerin qoldaý sharalary qabyldandy.

• Qazaqstandyq taýar óndirýshiler halyqaralyq saýda alańdaryna belsendi túrde shyǵarylýda. Máselen, Alibaba.com-da bıyl sharttarǵa qol qoıý jáne shaǵyn saıttar qurý boıynsha jumys júrgizilip jatqan 47 kompanııa irikteldi.

Memlekettik qoldaý iske qosylǵannan beri 290 kompanııa óz ónimderi úshin shamamen $346 mln tabys tapty.