6 aqpanǵa arnalǵan aýa raıy boljamy jarııalandy

ASTANA. KAZINFORM — Qazaqstan aımaqtarynda 2025 jylǵy 6 aqpanda bolatyn qaýipti meteorologııalyq qubylystarǵa boljaý-konsýltatsııa jarııalandy.

Soltústik antıtsıklon QR basym bóliginiń aýa raıyn anyqtaıdy, negizinen jaýyn-shashynsyz aýa raıy kútiledi.

— Tek eldiń batysynda, soltústik-batysynda, soltústiginde frontaldy bólikterdiń ótýine baılanysty azdaǵan qar jaýady. Qazaqstan Respýblıkasy boıynsha tuman, kóktaıǵaq, jeldiń kúsheıýi kútiledi, soltústik-batysta, soltústikte — jaıaý burqasyn boljanady, — delingen habarlamada.

Budan buryn azaqstannyń 14 oblysynda jáne Astana qalasynda burqasyn, kúnniń kúrt sýytýyna, tumanǵa baılanysty eskertý jasalǵany málim boldy.

Sondaı-aq, aýa raıynyń qolaısyzdyǵyna baılanysty birneshe oblysta jol jabylǵany aıtyldy.