6 aqpanda aýa raıyna baılanysty birqatar óńirde eskertý jarııalandy

ASTANA. KAZINFORM – Qazgıdromet 6 aqpanda elimizdiń birneshe óńirinde qolaısyz aýa raıyna baılanysty eskertý jarııalady.

Sınoptıkterdiń boljamy boıynsha, Astanada jaýyn-shashyn (kóbinese qar) jaýady, kóktaıǵaq bolady. Túnde jáne tańerteń tuman túsedi. Tańerteń jáne kúndiz jaıaý burqasyn júredi. Ońtústik-batystan soǵatyn jel soltústik-batysqa aýysady, tańerteń jáne kúndiz ekpini 15-20 m/s.

Almaty oblysynyń ońtústiginde, taýly aýdandarynda jaýyn-shashyn (jańbyr, qar) jaýady. Túnde oblystyń soltústiginde, kúndiz oblystyń batysynda, ońtústiginde, taýly aýdandarynda kóktaıǵaq bolady. Oblystyń ońtústiginde, taýly aýdandarynda keı ýaqyttarda tuman túsedi. Ońtústik-batystan jel soǵady, oblystyń ońtústiginde, taýly aýdandarynda ekpini 15-20 m/s. Qonaevta ońtústik-batystan jel bolady, keı ýaqytta ekpini 15-20 m/s.

Qyzylorda oblysynda jaýyn-shashyn (jańbyr, qar) jaýady. Oblystyń ortalyǵynda, soltústiginde, ońtústiginde kóktaıǵaq, tuman, túnde burqasyn bolady. Jel ońtústik-batystan, batystan soǵady, túnde oblystyń ortalyǵynda, soltústiginde, ońtústiginde kúshi 15-20 m/s. Qyzylordada keı ýaqytta jaýyn-shashyn (jańbyr, qar), kóktaıǵaq, tuman, túnde burqasyn bolady. Jel ońtústik-batystan, batystan soǵady, túnde ekpini 17 m/s.

Qaraǵandy oblysynda jaýyn-shashyn (jańbyr, qar), burqasyn, kóktaıǵaq bolady. Oblystyń ońtústiginde tuman. Ońtústikten, ońtústik-batystan jel soǵady, túnde oblystyń batysynda, soltústiginde, shyǵysynda ekpini 15-20 m/s, kúndiz kúshi 15-20. Oblystyń batysynda, shyǵysynda ekpini 23-28 m/s. Qaraǵandyda jaýyn-shashyn (jańbyr, qar), jaıaý burqasyn, kóktaıǵaq bolady. Ońtústikten, ońtústik-batystan jel soǵady, tańerteń jáne kúndiz ekpini 15–20 m/s.

Ulytaý oblysynda jaýyn-shashyn (jańbyr, qar), burqasyn, kóktaıǵaq, túnde oblystyń batysynda, soltústiginde jaýyn-shashyn (jańbyr, qar) bolady. Oblystyń soltústiginde, ortalyǵynda tuman túsedi. Ońtústik-batystan soǵatyn jel soltústik-batysqa aýysady, kúshi 15-20, oblystyń ońtústiginde, shyǵysynda ekpini 23-28 m/s. Jezqazǵanda keı ýaqyttarda jaýyn-shashyn (jańbyr, qar), jaıaý burqasyn, kóktaıǵaq bolady. Ońtústik-batystan soǵatyn jel soltústik-batysqa aýysady, ekpini 15-20 m/s.

Mańǵystaý oblysynyń ońtústiginde, soltústiginde, ortalyǵynda kóktaıǵaq, tuman bolady. Túnde oblystyń soltústik-shyǵysynda 20 gradýs qatty aıaz bolady.

Qostanaı oblysynyń shyǵysynda, ońtústiginde qar, burqasyn, túnde oblystyń ońtústiginde qar jaýady. Oblystyń batysynda, soltústiginde, shyǵysynda tuman. Soltústik-batystan jel soǵady, oblystyń shyǵysynda, ońtústiginde 15-20 m/s. Qostanaıda tuman túsedi.

Batys Qazaqstan oblysynyń batysynda, soltústiginde, shyǵysynda tuman túsedi.

Shyǵys Qazaqstan oblysynyń soltústiginde jaýyn-shashyn (jańbyr, qar), burqasyn, kóktaıǵaq bolady. Túnde jáne tańerteń oblystyń soltústiginde, ońtústiginde tuman túsedi. Jel ońtústik-shyǵystan soǵady, oblystyń soltústiginde, shyǵysynda 15-20 m/s, kúndiz ekpini 23-28 m/s. Óskemende kúnniń ekinshi jartysynda (jańbyr, qar), kóktaıǵaq bolady. Jel ońtústik-shyǵystan soǵady, ekpini 15-20 m/s.

Abaı oblysynyń batysynda qar, burqasyn bolady. Kúndiz oblystyń batysynda, soltústiginde, ortalyǵynda jaýyn-shashyn (jańbyr, qar), burqasyn, kóktaıǵaq bolady. Túnde jáne tańerteń oblystyń ońtústiginde, shyǵysynda tuman túsedi. Semeıde kúndiz (jańbyr, qar), burqasyn, kóktaıǵaq bolady. Jel ońtústik-shyǵystan soǵady, ekpini 15-20 m/s.

Soltústik Qazaqstan oblysynyń ońtústiginde, shyǵysynda qar, burqasyn, kóktaıǵaq, tuman bolady. Soltústik-batystan jel soǵady, oblystyń ońtústiginde, shyǵysynda ekpini 15-20 m/s.

Túrkistan oblysynyń ońtústiginde, taýly aýdandarynda jaýyn-shashyn (jańbyr, qar) jaýady. Kóktaıǵaq, jaıaý burqasyn bolady. Oblystyń batysynda, soltústiginde, taýly aýdandarynda tuman túsedi. Ońtústik-batystan jel soǵady, kúshi 15-20, oblystyń soltústiginde, taýly aýdandarynda 23-28 m/s. Túrkistanda keı ýaqyttarda jaýyn-shashyn (jańbyr, qar), tuman, kóktaıǵaq, jaıaý burqasyn bolady. Ońtústik-batystan jel soǵady, kúshi 15-20 m/s.

Shymkentte keı ýaqyttarda jaýyn-shashyn (jańbyr, qar) bolady. Tuman, kóktaıǵaq, jaıaý burqasyn. Ońtústik-batystan jel soǵady, kúshi 15-20 m/s.

Pavlodar oblysynda jaýyn-shashyn (qar, jańbyr) jaýady. Burqasyn, kóktaıǵaq bolady. Oblystyń soltústiginde, ońtústiginde, shyǵysynda tuman. Ońtústik-batystan jel soǵady, batysynda, ońtústiginde, shyǵysynda ekpini 15-20 m/s. Pavlodarda jaýyn-shashyn (qar, jańbyr), burqasyn, kóktaıǵaq bolady. Ońtústik-batystan jel soǵady, ekpini 15-20 m/s.

Aqmola oblysynda qar, burqasyn, kóktaıǵaq, oblystyń ońtústiginde, shyǵysynda jaýyn-shashyn bolady. Keı ýaqyttarda tuman túsedi. Ońtústik-batystan soǵatyn jel soltústik-batysqa aýysady, oblystyń batysynda, ońtústiginde, shyǵysynda ekpini 15-20 m/s. Kókshetaýda túnde jáne tańerteń kóktaıǵaq bolady.

Aqtóbe oblysynyń shyǵysynda jaıaý burqasyn júredi. Soltústik-batystan jel soǵady, túnde oblystyń shyǵysynda ekpini 15-18 m/s.

Jambyl oblysynyń batysynda, soltústiginde jaýyn-shashyn (jańbyr, qar), jaıaý burqasyn, kóktaıǵaq, kúndiz oblystyń ońtústiginde, taýly aýdandarynda jaýyn-shashyn (jańbyr, qar), jaıaý burqasyn, kóktaıǵaq bolady. Keı ýaqyttarda tuman túsedi. Tarazda kúndiz kóktaıǵaq bolady.

Jetisý oblysynyń taýly aýdandarynda jaýyn-shashyn (jańbyr, qar) jaýady. Oblystyń batysynda, soltústiginde, ortalyǵynda, taýly aýdandarynda keı ýaqyttarda kóktaıǵaq bolady. Shyǵystan jel soǵady, Alakól kólderi aýdanynda 15-20, ekpini 23-28 m/s.

Aıta keteıik, QazAvtoJol aýa raıyna baılanysty taǵy úsh oblysta jol jabylǵanyn habarlady.