6 aqpan. Týǵan kún ıeleri
ESІMDER
64 jyl buryn (1955) kınorejısser, prodıýser, kınostsenarıst, akter Abaı Sádýaqasuly QARPYQOV dúnıege keldi.
Taldyqorǵan oblysynda týǵan. Máskeý memlekettik tarıh-muraǵat ınstıtýtyn, S.Gerasımov atyndaǵy Búkilodaqtyq memlekettik kınematografııa ınstıtýtynyń rejısserlik fakýltetin bitirgen. Tuńǵysh qysqa metrajdy kórkem fılmi respýblıka jas kınematografısteriniń «Bastaý - 83» baıqaý konkýrsynda úzdik shyqty. A.Qarpyqov - otandyq alǵashqy «Toǵysqan taǵdyrlar», «Shegirtke» serıaldarynyń prodıýsseri. Sondaı-aq, «Poltory shtýkı», «Vlıýblennaıa rybka», «Vozdýshnyı potselýı», «Doroga dorogoı, dorogaıa», «Avtobýs v chas pık», «Bahyt. Pervaıa krov», «ıAsnovıdets Majıken», «Tot, kto nejnee», «Fara» fılmderin túsirgen.
59 jyl buryn (1960) Qazaqstan Respýblıkasy Parlamenti Májilisiniń depýtaty, áleýmettik-mádenı damý Komıtetiniń múshesi, Aýǵan soǵysy ardagerleri uıymdarynyń «Qazaqstan ardagerleri» qaýymdastyǵy tóraǵasynyń orynbasary Baqytbek SMAǴUL dúnıege keldi.
Qyzylorda oblysynyń Qazaly aýdanynda týǵan. 1975-1978 jyldary - Qazaly qalasyndaǵy 34-shi selolyq kásiptik-tehnıkalyq ýchılışeni qyzyl dıplommen bitirgen. 1979-1981 jyldary Sovet Armııasy qataryna shaqyrylǵan. Arnaıy daıyndyqtan ótkennen keıin 1979 jylǵy 27 jeltoqsanda Aýǵan Halyq Demokratııalyq Respýblıkasynda áskerı qyzmet atqarýǵa jiberilgen. 1981-1985 jyldary Almaty qurylys tehnıkýmyn ónerkásiptik-azamattyq qurylys mamandyǵy boıynsha bitirgen. 2000-2004 jyldary Ortalyq Azııa ýnıversıtetin zańger mamandyǵy boıynsha bitirgen. 2004-2008 jyldary - ál-Farabı atyndaǵy Qazaq Ulttyq memlekettik ýnıversıtetin jýrnalıstıka mamandyǵy boıynsha bitirgen. 1985-1989 jyldary - Almaty qalasy Kalının aýdandyq qurylys-jóndeý basqarmasynyń ınjener-tehnıkalyq qadaǵalaýshysy. 1989-1995 jyldary - shaǵyn kooperatıv dırektorynyń orynbasary. 1995-1996 jyldary - Almaty qalasyndaǵy Ýaqytsha avtoturaq basqarmasynyń bastyǵy. 1996-1997 jyldary - «Bolashaq» bazarynyń dırektory. 1997-1998 jyldary - Almatydaǵy «Kók bazardyń» bas ákimshisi. 1998-1999 jyldary - «Sálem» bazarynyń dırektory. 2000-2005 jyldary - «Taıqazan Tehnoservıs» JShS bas dırektorynyń orynbasary. 2005-2011 jyldary - Aýǵan soǵysy ardagerleri uıymdarynyń «Qazaqstan ardagerleri» qaýymdastyǵy tóraǵasynyń orynbasary, sambodan álemniń eki dúrkin chempıony Asqar Shaıhıev atyndaǵy Taekvan-do sport klýbynyń prezıdenti jáne «Saýap» qoǵamdyq qorynyń prezıdenti. 2012-2016 jyldary - besinshi saılanǵan Qazaqstan Respýblıkasy Parlamenti Májilisiniń depýtaty. 2016 jylǵy naýryzdan - qazirgi qyzmetinde. «Nur Otan» partııasynyń múshesi, partııalyq tizim boıynsha saılanǵan. Qazaly aýdanynyń «Qurmetti azamaty». II dárejeli «Aıbyn», «Qurmet», «Za zaslýgı», «Dolg ı chest» ordenderiniń kavaleri, Reseı Federatsııasynyń, Aýǵanstan Islam Respýblıkasynyń, Monǵolııa Respýblıkasynyń medaldarymen jáne qurmet gramotalarymen marapattalǵan. Taekvan-dodan V dan - qara belbeý ıegeri. «Aýǵannyń ot jalyny», «Men kórgen soǵys», «Voına, kotorýıý vıdel ıa», «Qan keshken kúnder», «Namystyń quly - Alashtyń uly», «Qaharman», «Úsh qyrly jebe» kitaptarynyń avtory.
59 jyl buryn (1960) Qaraǵandy oblysy Polıtsııa departamentiniń bastyǵy Mergenbaı Baımendiuly JAPPAROV dúnıege kelgen.
Qaraǵandy oblysynda týǵan. Qaraǵandy memlekettik ýnıversıtetin (1982); Qazaqstan Respýblıkasy Іshki ister mınıstrliginiń Qaraǵandy joǵary mektebin (1995) bitirgen.
Eńbek joly: Jezqazǵan oblysy Aqadyr aýdandyq atqarý komıtetiniń azamattyq qorǵanys shtabynyń aǵa ekonomısi, shtab bastyǵy (1982 jyldan); Jezqazǵan oblysy Aqadyr aýdandyq atqarý komıtetiniń ishki ister bóliminde ýchaskelik ınspektor (1987 jyldan); Jezqazǵan oblysy Aqadyr aýdandyq ishki ister bóliminde aǵa ýchaskelik mılıtsııa ınspektory, qoǵamdyq tártipti saqtaý qyzmetiniń aǵa ınspektory, qylmystyq izdestirý aǵa jedel ýákili, qylmystyq izdestirý bólimshesiniń bastyǵy (1989 jyldan); Jezqazǵan oblysy boıynsha MTBK bóliminiń qylmystyq izdestirý bóliminiń bastyǵy, Jezqazǵan oblysy boıynsha MTBK bólimi jeke qurammen jumys jónindegi bólim bastyǵynyń orynbasary (1996 jyldan); Qaraǵandy oblysy ІІB Shet aýdany ishki ister bólimshesiniń Aqadyr kenti polıtsııa bólimshesi bastyǵynyń orynbasary (1997 jyldan); Qaraǵandy oblysy ІІB Aqtoǵaı aýdany ishki ister bólimshesiniń bastyǵy (1999 jyldan); Qaraǵandy oblysy Temirtaý qalasy ІІB bastyǵy (2002 jyldan); Qaraǵandy oblysy ІІD bastyǵynyń birinshi orynbasary (2008 jyldan).
Qazirgi laýazymyn 2013 jyldan beri atqaryp keledi.
ІІІ dárejeli «Іshki ister organdaryndaǵy minsiz qyzmeti úshin», ІІ dárejeli «Minsiz qyzmeti úshin», «Qazaqstan Konstıtýtsııasyna 10 jyl» medaldarymen; «Qazaqstan polıtsııasyna 15 jyl» tósbelgisimen marapattalǵan.
58 jyl buryn (1961) Qazaqstan Respýblıkasy Qarýly Kúshteri Bas shtaby bastyǵynyń orynbasary Ádilbek Qalıbekuly ALDABERGENOV dúnıege kelgen.
Shyǵys Qazaqstan oblysynda týǵan. Rıazan joǵary áýe-desanttyq komandalyq ýchılışesin (1984); M.V.Frýnze atyndaǵy Áskerı akademııany syrttaı (1996) bitirgen.
Eńbek joly: Orta Azııa áskerı okrýgi áskerleri qolbasshysynyń qaramaǵyna jiberilip, 42610 áskerı bólimniń arnaıy jasaqtalǵan tobynyń komandıri
Prıkarpat áskerı okrýgi 186-shi arnaıy maqsattyǵy jeke jasaq tobynyń komandıri, Ortaazııa áskerı okrýgi 71170 áskerı bóliminiń arnaıy jasaqtalǵan otrıady arnaıy jasaqtalǵan tobynyń komandıri, Germanııadaǵy keńes áskerleri toby p.p. 83149 áskerı bóliminiń arnaıy jasaqtalǵan otrıady arnaıy jasaqtalǵan tobynyń komandıri boldy (1984-1988); Germanııadaǵy keńes áskerleri toby 83149 áskerı bóliminiń arnaıy jasaqtalǵan otrıady arnaıy jasaqtalǵan rotasynyń komandıri, 21208 áskerı bólimi arnaıy jasaqtalǵan otrıad komandıriniń orynbasary - shtab bastyǵy, Prıvolje-Oral áskerı okrýgi arnaıy jasaqtalǵan brıgadasy arnaıy jasaqtalǵan otrıad komandıriniń orynbasary - shtab bastyǵy, QR QM-niń qaramaǵynda, jeke gvardııalyq áýe-desanttyq brıgadasynyń parashıýt-desanttyq batalony komandıriniń orynbasary, jeke gvardııalyq áýe-desanttyq brıgadasynyń parashıýt-desanttyq batalon komandıri, jeke gvardııalyq desanttyq-shabýyl brıgadasy komandıriniń orynbasary - shtab bastyǵy (1988-1997); jeke gvardııalyq desanttyq-shabýyl brıgadasynyń komandıri, Utqyr kúshter qolbasshysynyń birinshi orynbasary - shtab bastyǵy, 14776 áskerı bólim basqarmasynyń bastyǵy, Utqyr kúshter qolbasshysynyń orynbasary
Utqyr kúshter qolbasshysynyń birinshi orynbasary - shtab bastyǵy (1997-2004); «Batys» aımaqtyq qolbasshylyǵy áskerleri qolbasshysynyń birinshi orynbasary - shtab bastyǵy (2004-2007); aımaqtyq qolbasshylyǵy áskerleri qolbasshysynyń birinshi orynbasary - «Shyǵys» aımaqtyq qolbasshylyǵynyń shtab bastyǵy (2007-2009); 14776 áskerı bólimniń komandıri, QR Aeroutqyr áskerleriniń qolbasshysy (2009-2013); QR QK Qurlyqtaǵy áskerler shtabynyń bastyǵy - Bas qolbasshynyń birinshi orynbasary (2013-2016).
Qazirgi laýazymyn 2016 jyldan beri atqaryp keledi.
«Qyzyl juldyz» (1986), ІІ dárejeli «Aıbyn», ІІ dárejeli «Dańq» ordenderimen; 14 medalmen nagradtalǵan.
52 jyl buryn (1967) Shyǵys Qazaqstan oblysy ákiminiń orynbasary Shalqar Zamanbekuly BAIBEKOV dúnıege kelgen.
Ol Semeı oblysynda týǵan. Qazaqstan memlekettik basqarý akademııasyn «ekonomıka» (1996); Qazaqstan memlekettik zań akademııasyn «zańger» mamandyǵy boıynsha (2001) támamdady.
Qyzmet jolyn 1988 jyly Semeı oblysy Jańasemeı aýdandyq ınspektsııasynyń memlekettik saqtandyrý aǵa ınspektory bolyp bastady. 1990 jyldyń shilde aıynan bastap Semeı salyq ınspektsııasy salasynda qyzmet etti. 1999 jyldyń aqpanynan bastap 2002 jyldyń mamyryna deıin Pavlodar qalasy Salyq komıteti tóraǵasynyń orynbasary, tóraǵasy bolyp jumys istedi. 2002 jyldyn aqpanynan bastap 2014 jyldyń qyrkúıek aıyna deıin Astana qalasy Salyq komıtetiniń tóraǵasy, Astana qalasy Almaty aýdany boıynsha, Qaraǵandy oblysy Salyq komıtetiniń tóraǵasy, QR QM-niń Salyq komıtetiniń uıymdastyrýshylyq qamtamasyz etý basqarmasynyń basshysy. 2014 jyldyń qyrkúıek aıynan bastap 2017 jyldyń tamyzyna deıin Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bóliminiń bas ınspektory. Qazirgi qyzmetinde 2017 jyldyń tamyz aıynan beri.
44 jyl buryn (1975) Nazarbaev Ýnıversıtetiniń atqarýshy vıtse-prezıdenti Vladıslav Nıkolaevıch EJOV dúnıege keldi.
Almaty qalasynda Qazaq memlekettik basqarý akademııasyn qarjyger mamandyǵy boıynsha (1996); Nazarbaev Ýnıversıtetiniń Bıznes joǵary mektebi basshy qyzmetshileriniń iskerlik ákimshilendirý magıstri baǵdarlamasyn (2017) bitirgen.
Eńbek joly: Qazaqstan Respýblıkasy Qarjy mınıstrliginiń memlekettik bıýdjet departamentiniń taldaý basqarmasynyń ekonomısi, basqarma bastyǵy; Marketıng jáne analıtıkalyq zertteýler ortalyǵy basqarma tóraǵasynyń orynbasary (2003-2004); Qazaqstan Respýblıkasy Prezıdenti ákimshiliginiń áleýmettik-ekonomıkalyq taldaý bólimi basshysynyń orynbasary (2004-2007); Qazaqstan Respýblıkasy Ekonomıka jáne bıýdjettik josparlaý mınıstrliginiń bıýdjettik saıasat jáne josparlaý departamenti dırektorynyń orynbasary; Qazaqstan Respýblıkasy Premer-Mınıstri keńsesiniń makroekonomıkalyq taldaý jáne baǵdarlamalardy monıtorıngileý bóliminiń basshysy; Ulttyq taldaý ortalyǵy basqarma tóraǵasynyń orynbasary (2008-2011); Nazarbaev Ýnıversıteti Atqarý keńesi tóraǵasynyń keńesshisi (2011-2012); Ulttyq taldaý ortalyǵynyń basqarma tóraǵasy (2012-2014); Ulttyq medıtsınalyq holdıng basqarma tóraǵasynyń orynbasary (2014-2015); Nazarbaev Ýnıversıteti Joǵary qamqorshylyq keńesi hatshylyǵynyń bas menedjeri (2015-2017).
Qazirgi laýazymyn 2017 jyldan beri atqaryp keledi.