6 adamdy qutqarǵan polıtseıge almatylyqtar alǵys aıtty
ALMATY. QazAqparat - Almaty turǵyndary órtten 6 adamdy qutqarǵan polıtsııa qyzmetkerine alǵys aıtty. Bul týraly QazAqparat tilshisi qalalyq Polıtsııa departamentiniń silteme jasap habarlaıdy.
Oqıǵa 8 qańtar kúni túnde Abaı-Tilendıev kósheleriniń qıylysyndaǵy jekemenshik úılerdiń birinde bolǵan. Polıtsııa basqarmasynyń Metropolıten patrýldik polıtsııasynyń serjanty Álimqydyr Ádilet tótenshe jaǵdaı bolǵan kúni kezekshilikte bolǵan.
Qyzyl jalynnyń sharpýynan aman qalǵan turǵyndar tilsiz jaýdyń qaýpine qaramastan úıge qoıyp ketken polıtseı qyzmetkerine taǵy da alǵys bildirdi.
«Órt bolǵanda men kishkentaı balamen úıde otyrǵanmyn. Kórshilerimniń bári gaz ballonymen tamaq pisiredi. Gaz ballony jarylsa, bizdiń úıge sharpýy múmkin degen oı maǵan maza bermedi. Tez arada balama kıim kıgizip, ózim de syrtqa shyǵyp kettim. Jas polıtsııa qyzmetkeri shlang alyp órtti óshirip júrgenin kórdim. Ol órtenip jatqan úıden 2 gaz ballonyn dóńgeletip shyǵardy. Sosyn bige keldi de, balany qolyna alyp, metronyń ishinde otyra turýǵa keńes berdi. 1 saǵattan soń polıtseı qyzmetkeri kelip, órt sóndirilgenin habarlady. Men onyń aty-jónin, shenin bilmeımin, biraq sonda da alǵys aıtqym keledi», - dedi kórshi úıdiń turǵyny Aıgúl Ásembekova.
Órtengen úıge japsarlas ornalasqan tehnıkalyq qyzmet kórsetý ortalyǵynyń ıesi de polıtseılerge rahmetin jaýdyrdy.
«Órt bastalǵanda biz joldasym ekeýmiz ǵımarat ishinde bolǵanbyz. Órt bolǵan aımaqty qorshamaı turyp, kórshilerdi úıinen shyǵaryp júrgen polıtseıdi kórgen bolatynbyz. Tún ishinde adamdar ózderi shyǵa qoıýy ekitalaı edi», - dedi áıel.
«Kórshi úıden órt shyqqan soń birneshe mınýttan soń bizdiń úıimizdi polıtsııa qyzmetkeri taqyldatty. Órtti sóndirip bolǵansha úıden shyǵa turýymyzdy ótindi. Biz balalarymyzdy kıindirip dalaǵa shyqqan kezde basqa jedel qyzmetter kelip úlgerdi. Polıtsııa qyzmetkeri meni jedel járdem kóligine deıin kirgizdi. Oǵan kóp rahmet»,- dedi jergilikti turǵyn.
