5G jelisi aýa raıyn boljaýǵa kedergi keltiredi - The Guardian

NUR-SULTAN. QazAqparat - Bıyl qoldanysqa engiziletin 5G jelisi qaýip tóndirýi múmkin, dep jazady The Guardian basylymy. Avtordyń jazýynsha, 5G júıesin enzigý aýa raıyn boljaýǵa kedergi týǵyzyp, aýa raıyn boljaýǵa jaýap beretin jer serikterdiń jumysyna keri áser etedi.

«Meteorologtardyń aıtýynsha, búkil álem boıynsha iske qosylady dep daıyndalyp jatqan 5G jelisi arnaıy spýtnıktik quraldardyń sezimtaldyǵyna keri áser etip, aýa raıy ózgeristerine monıtorıng jasaýǵa keri áser etetin bolady» dep jazady avtor.

Onyń aıtýynsha, bunyń saldarynan aýa raıy nasharlaǵan jaǵdaıda, mysaly, qatty daýyldardy eskertý qıynǵa soǵýy múmkin. Bul óz kezeginde adam ómirine qaýip tóndiredi.

«5G jelisi qatty daýyldar men sý tasqyndaryn boljaýǵa kedergi keltiredi. Túptep kelgende bul ólim men ómir máselesi. Osy másele meteorologtardy qatty alańdatady», - deıdi Aýa raıy Eýropalyq ortalyǵynyń mamany Tonı MakNallı.

Onyń aıtýynsha, 5G telefon jelisiniń joǵary jyldamdyǵy sý býyna uqsas jıilikpen taraıtyndyqtan, aýa raıyn naqty boljaýǵa kedergiler keltiriletin bolady.

«Bul - óte úlken jahandyq problema. Sebebi biz bul jaǵdaıdy ýysymyzdan shyǵarǵan saıyn onyń keri áseri arta beredi», - deıdi Vıskonsın-Medıson ýnıversıtetiniń meteorology Djordan Gert.