5G vırtýaldy shyndyq salasyna áser etedi
ASTANA. QazAqparat - The New York Times 2019 jyly engiziletin besinshi býyndaǵy uıaly baılanys, ıaǵnı 5G týraly jazyp, munyń adamdardyń smartfon men basqa da qurylǵylardy paıdalanýyna qalaı áser etetini týraly materıal jarııalady.
«2019 jyly tehnologııa salasynda úlken jańalyqtardyń biri oryn alady. Uıaly baılanys júıesi jańartylyp, birneshe aıdan keıin uıaly telefondarda iske qosylady. 5G tek mobıldi baılanysqa ǵana emes, málimetter jınaıtyn jáne jiberetin óndiristik robottarǵa, baqylaý kameralary men avtokólikterge de áser etetin bolady. Bul jańa dáýir 4G symsyz tehnologııalaryn basyp ozyp, sapasy joǵary fılmderdi sanaýly sekýndta júktep alýǵa múmkindik beretin joǵary jyldamdyqty mobıldi ınternet usynady. Sonymen qatar, sport, vıdeooıyndar men onlaın saýdaǵa da áser etedi», deıdi avtor maqalada.
Onyń aıtýynsha, 5G aldyńǵy qatarly tehnologııalar men jasandy ıntellektini paıdalaný aýqymyn arttyrady.
«5G vırtýaldy shyndyq salasyna erekshe áser etetin bolady. VR qosymshalardyń sapasy artyp, medıtsınada da jańa múmkindikterge jol ashylady. Ásirese, hırýrgııada kóp ózgeris kútiledi», dep jazady avtor.
Onyń aıtýynsha, 5G Amerıka Qurama Shtattarynda 2019 jyldyń ekinshi toqsanynda iske qosylady.
