5G tehnologııasyn engizýge Úkimetten qarajat bóline me
Bul týraly búgin Úkimet úıindegi baspasóz máslıhatynda QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev aıtty, dep habarlaıdy QazAqparat tilshisi.
«Birinshiden 5G engizý úshin Úkimetten aqsha bólinbeıdi. Óıtkeni, bul jeke operatorlardyń jumysy. Ekinshiden, 5G tehnologııasy qymbat bolǵandyqtan eń aldymen qalalarda engizemiz. tehnıkalyq jabdyqtaryn kompanııalarmen aqyldasamyz. Qazirgi tańda dúnıejúzinde de 5G tek qana qalalarda engizilip jatyr. Biraq, bolashaqta múmkindik bolyp jatsa shaǵyn eldi mekenderge de engizý jaǵyn qarastyramyz»,- dedi mınıstr BAQ ókilderiniń saýalyna oraı.
Sonymen qatar ol 4G-den 5G tehnologııasyn kóshken kezdegi baılanys tarıfterine qatysty saýalǵa da jaýap berdi.
«Tarıfterge qatysty aıtar bolsam, 3G-den -den 4G-ge aýysqan kezde baılanys qunyn ózgertken joqpyz. Aldaǵy ýaqytta da dál osyndaı jumys júrgiziledi. 5G-ge kóshken kezde tarıfterdi kótermeımiz», - dedi Asqar Jumaǵalıev.