5G qashan engiziledi
Atalǵan mınıstrliktiń keńeıtilgen alqa otyrysyna Premer-Mınıstr Álıhan Smaıylov qatysty.
Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın men vedomstvoǵa baǵynysty birneshe uıym basshylarynyń esebinen keıin Úkimet basshysy sóz aldy.
Álıhan Smaıylov mınıstrliktiń aldynda birqatar mańyzdy mindetter turǵanyn aıta kele, aldymen memlekettik qyzmetterdi kórsetý jaıyna toqtaldy.
«Mınıstrlik aldynda memlekettik qyzmetti jáne jalpy ekonomıkany tsıfrlandyrý boıynsha birqatar mańyzdy mindetter tur. Ótken jyly elektrondy túrde usynylǵan memlekettik qyzmetterdiń deńgeıi 92%-ke deıin jetti. Onyń 80%-n halyq smartfon arqyly alyp otyr. Ótken jyldyń qorytyndysy boıynsha BUU «Elektrondyq úkimet» halyqaralyq reıtınginde Qazaqstan 28-orynǵa ıe boldy. Eldi mekenderdiń 77%-i mobıldi keń jolaqty ınternetpen qamtylǵan, onyń ishinde 3G tehnologııasy boıynsha – 44%, 4G – 33%», - dedi Álıhan Smaıylov keńeıtilgen alqa otyrysynda.
Sondaı-aq, Úkimet basshysy atalǵan baǵyttaǵy jumysty oń dınamıkada jalǵastyrý kerektigin aıtty.
Internet sapasy qashan jaqsarady?
Mınıstrler kabınetiniń basshysy kótergen kelesi másele – ınternet sapasy.
«Baǵdat Batyrbekuly, sapaly ınternet jáne uıaly baılanyspen qamtýǵa qatysty narazylyqtar men shaǵymdar týraly jaqsy bilesiz», - dep naqtylap ketti Á. Smaıylov Mýsınge qarata.
Onyń aıtýynsha, sapaly uıaly baılanys aýyldy aıtpaǵanda qalalardyń ózinde bolmaı jatady.
«Qazir bárin uıaly telefonnyń kómegimen alýǵa bolady. Keıde ınternettiń durys bolmaýynan múmkin bolmaı jatady. Bul máseleni sheshý kerek. Memleket basshysynyń tapsyrmasy boıynsha barlyq óńir (qala, aýdan, aýyl) sapaly uıaly baılanys jáne ınternetpen qamtamasyz etilýi tıis», - dedi Álıhan Smaıylov Tsıfrlyq damý, ınnovatsııalar jáne aeroǵarysh ónerkásibi mınıstrliginiń keńeıtilgen alqa otyrysynda.
Sonymen qatar, Premer-Mınıstr 5G engizýdi 2027 jylǵa deıin aıaqtap, odan bólek respýblıkalyq jáne jergilikti avtojoldardy ınternetpen qamtý mindetin júktedi.
«Mınıstrlik uıaly baılanys pen ınternettiń sapasyna taldaý júrgizýi qajet. Sonyń negizinde tıisti is-sharalar ázirlenip, ol «Qoljetimdi ınternet» ulttyq jobasy sheńberinde qabyldanýy tıis. Búginde elimizde 5G uıaly baılanysyn engizý jumystary júrip jatyr. Birinshi kezekte respýblıkalyq mańyzy bar qalalar men oblys ortalyqtaryn qamtý josparlanyp otyr. Atalǵan jumys 2027 jyly aıaqtalýy kerek», - dedi ol Tsıfrlyq damý mınıstri Baǵdat Mýsınge qarap.
A zamattardyń dúnıege kelgen sátinen z eınetke shyǵýyna deıingi ómir ine taldaý júrgiz iledi
Baıandamasyn jalǵastyra kele, Úkimet basshysy qazaqstandyqtardyń áleýmettik jaǵdaıyna taldaý júrgizýdi tapsyrdy.
Áńgime «Otbasynyń tsıfrlyq kartasyna» qatysty bolyp otyr. Osy tusta eske salsaq, elimizde jyl basynan ár otbasynyń jeke tsıfrlyq kartasy engizilip jatyr.
«Ótinishter men rastaıtyn qujattardy jınaý tájirıbesinen bas tartý mańyzdy. Ol málimetter bazada bar. «Invisible Government» jobasy sheńberinde memlekettik organdar qyzmetin proaktıvti tásilge aýystyrý qajet. Sonymen qatar, «Smart Data Ukimet» platformasynda iske asyrylyp jatqan jobanyń biri – «Otbasynyń tsıfrlyq kartasy». Atalǵan joba naqty krıterııler negizinde áleýmettik osal otbasylardyń naqty beınesin kórsetip, olarǵa kómek kórsetýge múmkindik beredi. Osy oraıda, mınıstrlik bıyl І toqsannyń sońyna deıin azamattardyń týǵanynan bastap zeınetke shyǵýyna deıingi ómir jaǵdaıyna taldaý júrgizý qajet», - deıdi Álıhan Smaıylov.
Aqparattyq qaýipsizdik
Tsıfrlyq damý mınıstrliginiń keńeıtilgen alqa otyrysynda qazaqstandyqtardyń jeke málimetteri qaýipsizdigin qamtý jaıy da sóz boldy.
Premer-Mınıstrdiń málimdeýinshe, azamattardyń jeke málimetterine tónýi múmkin qaýip-qaterdiń aldyn alý – óte mańyzdy.
«Tehnologııanyń jyldam damýyn eskere otyryp, aqparat jáne derekter qaýipsizdigi máselesin esten shyǵarmaý kerek. Onyń ishinde jeke málimetter qaýipsizdigi de bar. Qaýip-qaterdiń aldyn alý – óte mańyzdy. Osy oraıda, mınıstrlik ortalyq jáne jergilikti atqarýshy organdarmen birlesip, aqparattyq júıelerdiń 100% qorǵalýyn qamtamasyz etý jóninde keshendi sharalar qabyldaýy kerek. Sondaı-aq, Astana habtyń qyzmetin keńeıtip, tájirıbesin joǵary oqý oryndary bazasynda jáne óńirlik deńgeıde damytý qajet», - dedi Álıhan Smaıylov jıyn barysynda.
Qaýipsizdik demekshi, Úkimet basshysy memlekettik organdardyń aqparattyq júıeler qaýipsizdigi máselesine jeke toqtalyp ótti.
Á. Smaıylov keltirgen derekke sáıkes, ótken jyly memlekettik organdardyń aqparattyq júıelerinde 500-ge jýyq aqaý tirkelgen. ıAǵnı aqparattyq júıeler jyl ishinde 700 saǵattan astam ýaqyt isten shyǵyp turǵan.
«Prezıdent memlekettik organdardyń aqparattyq júıesin ortalyqtandyrý, ıntegratsııalaý jáne tıimdiligin arttyrý boıynsha tsıfrlyq platforma ázirleýdi tapsyrdy. Bul – basym mindet, soǵan qaramastan ony júzege asyrý uzaqqa sozylyp otyr. Ótken jyly tek tehnıkalyq qujattama bekitildi, al platforma tıisti ınfraqurylymmen qamtamasyz etilmegen.
Vedomstvolyq deńgeıde jumys isteıtin memlekettik organdardyń aqparattyq júıesiniń úzdiksiz jumys isteý máselesine erekshe nazar aýdarǵym keledi. Ótken jyly aqparattyq júıeler boıynsha 500-ge jýyq aqaý tirkeldi, 700 saǵattan astam isten shyǵyp turǵan. Osy sekildi teris faktilerdi mınıstrlik egjeı-tegjeıli taldaý júrgizip, tsıfrlyq vıtse-mınıstrlerge derbes jaýapkershilik júkteý kerek», - dep tolyqtyrdy Úkimet úıiniń basshysy.
Tsıfrlyq damý mınıstrliginiń qyzmetine qatysty Álıhan Smaıylovtyń kóńilinen shyqpaǵan taǵy bir sharýa elimizde derekterdi óńdeý ortalyqtaryn salý jumysynyń baıaý júrýi.
Foto: microsoft.com
«Talshyqty-optıkalyq magıstraldar men derekter ortalyǵyn salýǵa qatysty jumystar baıaý júrip jatyr. Zańnamalyq retteý jáne halyqaralyq ýaǵdalastyqqa qatysty jekelegen máseleler áli sheshilmegen. Derekterdi óńdeý ortalyǵynyń ornalasqan jeri men jumys isteý sharttary anyqtalmaǵan», - deıdi ol.
Osy oraıda atalǵan nysandardy salý jumysyn jedeldetýdi mınıstrdiń jeke baqylaýyna alýyn júktedi.
Premer-Mınıstr eldiń damýy men halyq jaǵdaıynyń jaqsarýyna tikeleı áser etetin taǵy bir mańyzdy salaǵa nazar aýdardy. Ol memlekettik organdardyń tıimdi jumys isteýi men onyń nátıjesi.
Aıtýynsha, Prezıdent júktegen mindetter barlyq memlekettik organdar men salalyq vedomstvolardyń damý josparynda aıqyn kórinis tabýy tıis.
Sondaı-aq, Úkimet basshysy vıtse-mınıstrlerdiń jeke jaýapkershiligin arttyryp, ónimdi jumys isteýdi tapsyrdy.
«Mınıstr men qosa onyń orynbasarlary tsıfrlandyrý boıynsha barlyq iske belsendi qatysyp, máseleni baqylaýda ustaý kerek. Memlekettik organdar qyzmetiniń ashyqtyǵy, ýaqytyly sheshim qabyldaýy men tıimdiligi jumys nátıjesinen kórinedi», - dedi sózin qorytyndylaı kele Álıhan Smaıylov.
Basty foto:aa.com.tr
