59 temir jol vokzalyn jóndeýge bıýdjetten qarjy bólinýi múmkin

ASTANA. KAZINFORM – Elimizdegi 59 temir jol vokzalyn jóndeýge bıýdjetten qarjy bólinýi múmkin. Bul týraly Kólik mınıstri Marat Qarabaev aıtty.

«Temirjol vokzaldaryna toqtalaıyn. Osy ýaqytqa deıin jalpy 59 vokzaldy aıqyndadyq. Onyń tórteýi - Túrkistan, Qyzylorda, Shymkent jáne Pavlodar vokzaldary qazirgi ýaqytta kúrdeli jóndeýden ótip jatyr. Ókinishke qaraı, qalǵandaryna múldem qarjy bólinbegen. Jaǵdaılary tómen jáne ár vokzaldyń tabysyn ózin-ózi 50-60 paıyz ǵana qamtamasyz ete alady», - dedi mınıstr Senattyń jalpy otyrysynda depýtattardyń saýalyna oraı.

Onyń atap ótinshe, búginde barlyq ákimdik temir jol vokzaldaryn jóndeý úshin jobalyq-smetalyq qujattama ázirlep jatyr. 

«Jyldyń sońynda ony (qarjyny) bıýdjetten qarastyramyz ba dep otyrmyz. Óıtkeni, «Qazaqstan temir joly» AQ aqshasy vagon alýǵa, lokomatıv alýǵa jumsalyp jatyr. Munda ákimdermen keliskenimiz, ǵımarattardy jóndeý úshin qarajatty respýblıkalyq bıýdjetten qarastyramyz ba dep otyrmyz. Al temir jol vokzalynyń aýlasyn ákimdik bıýdjetinen jóndermiz. Biraq, jobalyq-smetalyq qujattamany ákimdikterdiń ózderi daıyndap jatyr», - dedi Marat Qarabaev.