58 jastaǵy kókshetaýlyq shahmatshy Azııa chempıony atandy
KÓKShETAÝ. QazAqparat - 58 jastaǵy kókshetaýlyq shahmatshy Azııa chempıony atandy, dep habarlaıdy QazAqparat tilshisi Aqmola oblystyq dene shynyqtyrý jáne sport basqarmasynyń baspasóz qyzmetine silteme jasap.
Vedomstvonyń dereginshe, Almaty qalasynda ótken jarysqa Azııa jáne Okeanııanyń 17 elinen 70 sportshy qatysyp, baq synaǵan.
10-shy ret ótip otyrǵan chempıonat toǵyz raýnd boıynsha Shveıtsarııa ádisimen ótti. Klassıkalyq shahmatqa jasy 50-de asqan erler qatysty. Ulttyq qurama sapynda bolǵan aqmolalyq shahmatshylar joǵary nátıje kórsetip, bir altyn, bir kúmis jáne úsh qola medal ıelendi.
«Onyń ishinde halyqaralyq grossmeıster Serikbaı Temirbaev 50-65 jastaǵy erler arasynda «Rapıd» ádisi boıynsha chempıon atansa, «Klassıka» ádisi boıynsha ekinshi, «Blıts» ádisi boıynsha úshinshi oryn aldy. Al, QR sport sheberligine úmitker Hanıf Hýsaınov 65 jáne odan joǵary jastaǵylar arasynda «Rapıd» jáne «Klassıka» ádisteri boıynsha qola júldege qol jetkizdi. Sonymen birge, ol FIDE sheberiniń normatıvin oryndady», - deıdi vedomstvonyń baspasóz hatshysy Mahabbat Bolshına.
Foto: kokshetau.asia/
