58 jastaǵy almatylyq áýejaıda jarty mıllıon teńgeni urlaǵany úshin ustaldy
ALMATY. QazAqparat - Almatyda kóliktegi polıtsııa 58 jastaǵy qala turǵynyn ustady. Kúdikti jolaýshylardyń biriniń ámııanyn qoldy etken. Bul týraly QR ІІM Kóliktegi ІІD baspasóz qyzmeti málimdedi.
24 jastaǵy OQO turǵyny Almaty áýejaıyndaǵy Jelilik ishki ister basqarmasyna júgindi. Ol 560 000 teńge salynǵan ámııanyn bireýler urlap ketkenin málimdegen.
Jedel izdeý sharasy barysynda Krımınaldy polıtsııa bóliminiń qyzmetkerleri 58 jastaǵy er adamdy izin sýytpaı ustady.
Kúdiktiniń qaltasynan joǵalǵan zat tabyldy. Qazir ol zattar zattyq aıǵaq retinde is materıaldaryna qosyldy.
Atalǵan derek QR QK 188 baby boıynsha sotqa deıingi tergeý isi reestrine tirkeldi.
