58 myńnan astam adam «Jumyspen qamtý 2020» baǵdarlamasyna qatysýshylar qataryna engizildi
ASTANA. 28 jeltoqsan. QazAqparat - 58 myńnan astam adam «Jumyspen qamtý 2020» baǵdarlamasyna qatysýshylar qataryna engizildi. Bul týraly QR eńbek jáne halyqty áleýmettik qorǵaý mınıstri Gúlshara Ábdiqalyqova málim etti.
Onyń aıtýynsha, 6 aıdyń ishinde óńirlerdegi jumyspen qamtý ortalyqtaryna atalǵan baǵdarlamaǵa qatysý úshin 84 myńnan astam adam ótinish bildirgen.
«Jergilikti atqarýshy organdardyń resmı derekteri boıynsha aǵymdaǵy jyldyń 26 jeltoqsanyndaǵy jaǵdaıǵa sáıkes qaralǵan ótinishter negizinde 58 myńnan astam adam baǵdarlamaǵa qatysýshylardyń qataryna engizildi», - dedi mınıstr.
G. Ábdiqalyqovanyń aıtýynsha, áleýmettik kelisimshartqa qol qoıǵandardyń 60 paıyzǵa jýyǵyn 29 jasqa deıingi azamattar qurap otyr. Óz biliktilikterine sáıkes bos jumys oryndaryna 6, 2 myń adam ornalastyryldy.
