575 myń gektar sýarmaly egistik jeri aýyl sharýashylyǵynyń aınalymynan shyǵyp qaldy - Q. Aıtahanov
ASTANA. Mamyrdyń 28-i. QazAqparat /Qanat Mámetqazyuly/ - Elimizdegi 575 myń gektar sýarmaly egistik jeri aýyl sharýashylyǵynyń aınalymynan shyǵyp qaldy. Búgin QR Parlamenti Senatynda «Saýarmaly egin sharýashylyǵy máseleleri boıynsha zańnamany jetildirý jáne Qazaqstanda sýarmaly jerlerdi tıimdi
paıdalanýdyń joldary» atty taqyrypta ótken jıynda senator Qýanysh Aıtahanov osylaı málim etti, dep habarlaıdy QazAqparat.
Senatordyń sózine qaraǵanda, 2010 jyly 1991 jylmen salystyrǵanda elimizdegi sýarmaly jerler kólemi 298 myń gektarǵa deıin azaıyp ketken. Al osy jyldar aralyǵynda bosalqy jerlerdiń kólemi 8 esege ulǵaıyp, 423 myń gektardy qurapty. Budan bólek buryn qoldanysta bolǵan 20 myń gektar sýarmaly jer jekemenshik úı, jol óndiris oryndaryn salýǵa jáne basqa da maqsattarǵa berilgen. Al qazirge deıin paıdalanylyp kelgen sýarmaly jerler tuzdanyp, olardyń qurarlyǵy men ónimdiligi tómendeýde.
«90-shy jyldary elimizdegi sýarmaly jer kólemi egistiktiń 6 paıyzyn qurap, eginshilik ónimderiniń 30 paıyzy óndirilgen bolsa, búginde bul kórsetkish eki esege jýyq tómendedi. Halqy tyǵyz, negizinen sýarmaly eginshilikpen aınalysatyn Almaty, Jambyl, Qyzylorda, Ońtústik Qazaqstan oblystarynda sýarmaly jerlerdiń 15-33 paıyzy paıdalanylmaıdy. Al qoldanystaǵy sýarmaly jerlerdiń ónimdiligi de 25-50 paıyzǵa deıin tómendegen», dedi Q. Aıtahanov.
