56 jastaǵy «magnıt adam» talaıdy tańǵaldyrýda - FOTO
ASTANA. QazAqparat - Bosnııa jáne Gertsegovına memleketiniń 56 jastaǵy turǵyny óziniń mańdaıyna jabysqan Samsung Galaxy S4 uıaly telefonymen el aldyna shyǵyp, tanyla bastady.
Mýhıbıdj Býljýbasıch esimdi azamattyń ózgelerden ereksheligi - túrli turmystyq zattardy boıyndaǵy magnıttiń kómegimen jabystyra alady. Buǵan deıin temir buıymdardy «tartatyn» adamdar kezdesken. Alaıda, Býljýbasıch ázirge álem boıynsha plastıka men shynydan jasalǵan ydystardy tabıǵı magnıtimen alyp júre alatyn jalǵyz adam, dep jazady 1news.az.
Ol óziniń erekshe talanty týraly 5 jyl buryn bilgen. Qasyq, tabaq, tárelkeden bastap, teledıdardyń pýlti men uıaly telefonǵa deıin kótere alady.
