56 jastaǵy áıel koronavırýs týraly jalǵan habar taratqan – Aqmola oblysy
KÓKShETAÝ. QazAqparat – Aqmola oblysynda koronavırýspen aýyrǵandar týraly jalǵan habar taratqan Ereımentaý aýdanynyń turǵyny anyqtaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomostvonyń málimetinshe, maýsymnyń 16-da WhatsApp messendjerine monıtorıng júrgizý kezinde polıtsııa bóliminiń ýchaskelik ınspektory aýdan turǵyndarynyń koronavırýs ınfektsııasyn juqtyrǵandyǵy týraly jalǵan aqparat taratý oqıǵasyn anyqtady.
«Jedel-izdestirý sharasy kezinde Ereımentaý aýdanyndaǵy aýyldardyń biriniń turǵyny 56 jastaǵy áıel anyqtaldy. Ol aýdıojazba arqyly jalǵan aqparatty WhatsApp tobyndaǵy óziniń týystaryna jibergen», - deıdi vedomstvodan.
Qazirgi kezde, osyǵan baılanysty QR QK 274 babynyń 2 bóligi (jalǵan aqparat taratý) boıynsha sotqa deıingi tergeý amaldary júrgizilýde.
