56 mıllıon teńge: Qostanaı oblysynda kásiporyn qyzmetkerlerine eńbekaqy tólemegen

QOSTANAI. KAZINFORM – Qostanaı oblysynda qyzmetkerlerine jalaqy tólemegen kásiporyndy prokýratýra tekserdi.

Qarasý aýdany prokýratýrasynyń senim telefonyna kásiporynda 56 mıllıon teńge kóleminde eńbekaqy beresheginiń bar ekeni týraly habarlama tústi.

Qostanaı oblysynyń prokýratýrasy málimetinshe, qadaǵalaý organy aralasqannan keıin atalǵan bereshek tolyq kólemde ótelip, 160 qyzmetkerdiń eńbek quqyǵy qorǵalǵan.

- Azamattardyń ótinishterine jedel yqpal etý jáne olardyń konstıtýtsııalyq quqyqtaryn qorǵaý prokýratýra organdary qyzmetiniń basym baǵyttary bolyp tabylady. Aýdan prokýratýrasy eńbek zańnamasy buzylǵan jaǵdaıda jumysshylar mundaı máselelerdi sheshý úshin senim telefonyna júgine alatynyn eske salady, - dedi prokýratýradan.

Aıta keteıik, keıbir jaǵdaıda jumys berýshiler qyzmetkerleriniń eńbekaqysyn ýaqytyly tólemeı nemese aılap keshiktirip jatady. Osyndaı jaǵdaıda jumysshy berýshini mindetin oryndamaǵany úshin qylmystyq jazaǵa tartý múmkindigi bar ma? Bul týraly myna siltemeden oqı alasyz.