56 memlekette koronavırýstan ólim-jitim artty - DDSU

NUR-SULTAN. QazAqparat – Ótken aptada 56 memlekette koronavırýstan ólim-jitim 10% astamǵa artqan. Bul týraly Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram-kanalynda málim etildi, dep habarlaıdy QazAqparat.

Ulybrıtanııada koronavırýstyń taralý qarqyny artyp keledi. Zertteý materıaldaryna sáıkes 2020 jyldyń mamyr aıynan bastap eń joǵary kórsetkish tirkeldi. Ótken táýlikte SARS-CoV-2 indetiniń 41 299 tasymaldaýshysy anyqtaldy. El Úkimetiniń málimeti boıynsha naýqastardyń jalpy sany 9 171 660-qa jetti. Al Ulybrıtanııada sońǵy 24 saǵat ishinde 214 naýqas qaıtys boldy, epıdemııadan zardap shekkenderdiń jalpy sany 141 181-den asyp jyǵyldy. Qazirgi ýaqytta vırýsqa qarsy ekpeniń birinshi komponentimen 50 071 683 adam vaktsınalandy nemese el halqynyń 73,8 %, al 45 752 487 brıtandyq, ıaǵnı 67,4% tolyq vaktsınatsııa kýrsynan ótti.

Dúnıejúzilik densaýlyq saqtaý uıymy ólim-jitimniń joǵarylaýyna jáne koronavırýs ınfektsııasynyń taralýyna alańdaýshylyq bildiredi. DDSU basshysy Tedros Gebreıesýs 50-den astam elde koronavırýstan qaıtys bolý derekteriniń kúrt óskenin málimdedi. «Ótken aptada barlyq óńirdegi 56 el COVID-19 saldarynan ólim-jitimniń 10% astamǵa óskenin habarlady», - dedi Gebreıesýs.

DDSU basshysynyń aıtýynsha, apta saıynǵy ólim-jitim 50 myńnan astam adamdy quraıdy. Osyǵan baılanysty Gebreıesýs DDSU shuǵyl qoldaný úshin usynǵan damyǵan elder men vaktsına óndirýshilerin COVAX halyqaralyq baǵdarlamasyna belsendi qatysýǵa jáne vaktsınalardy satyp alý úshin afrıkalyq jumys tobyna dári-dármekterdi jiberýge shaqyrdy.