5500-den astam jambyldyq koronavırýske qarsy ekpe aldy
TARAZ. QazAqparat – Jambyl oblysynda búginge deıin óz erkimen ótinish bildirgen 5540 túrli sala qyzmetkeri erikti túrde ekpe saldyrǵan. Olardyń qatarynda aq halattylar, quqyq qorǵaý organdarynyń jáne bilim salasynyń qyzmetkerleri bar, - dep habarlaıdy QazAqparat tilshisi.
Bul týraly óńirlik kommýnıııalar qyzmeti aqparat alańynda oblystyq Densaýlyq saqtaý basqarmasynyń basshysy Áset Qalıev aıtyp berdi.
Aımaqtyń bas dárigeriniń málimetinshe búginde oblysta Spýtnık V vaktsınasynyń 1 komponentimen barlyǵy 5540 adam qamtylǵan. Olardyń 72,8 paıyzy joǵaryda aıtylǵan medıtsına qyzmetkerleri, 19,8 paıyzy – ustazdar. Sondaı-aq, 26 Ulttyq qaýipsizdik komıteti men polıtsııa departamentiniń qyzmetkeri, 10 stýdent, 1 áleýmettik mekemeniń qyzmetkeri, 11 memlekettik qyzmetshi jáne 359 túrli sanattaǵy adamdar ekpe alǵan.
Búgingi kúni ekpe saldyrǵandardyń densaýlyǵy qalypty. Keri áserleri týray shaǵymdar túsirmegen.
«Vaktsınanyń 1-shi komponentimen egilgen 5540 adamnyń ishinen 21 kúnnen keıin 846 adam vaktsınanyń 2 komponentin aldy, onyń ishinde 844 medıtsına qyzmetkeri bar. Vaktsına salǵyzǵannan keıin keri áserler men asqynýlar bolatyn jaǵdaılar tirkelgen joq. Egý jumystary vaktsınanyń aımaqqa kelip túsýine qaraı jalǵasýda», — dedi Á. Qalıev.
Aıta keteıik, Jambyl oblysy boıynsha bıyl 18 jastan asqan 593 700 adamdy COVID-19-ǵa qarsy ekpe salynady. Bul oblys halqynyń 52 paıyzy degen sóz. Keıinnen halyqtyń qosymsha osal toptaryn qosa otyryp, kontıngentti keńeıtý josparlanýda.
