55 jastan asqan qyzmetkerdi jumysqa shyǵýǵa májbúrlese ne isteý kerek

NUR-SULTAN. QazAqparat – Jumys berýshi 55 jastan asqan qyzmetkerdi jumysqa shyǵýǵa májbúrlegen jaǵdaıda polıtsııaǵa habarlasý kerek. Bul týraly Ádilet mınıstrligi Zańnama departamentiniń dırektory Oljas Danabekov málim etti, dep habarlaıdy QazAqparat tilshisi.

«Shynymen de qazirgi kezde 55 jastan asqan adamnyń jumysqa shyqpaýyna keńes berilgen, sondaı-aq qajet bolmasa kóshege shyǵýdan tartynǵan jón. Alaıda jumysyn jalǵastyryp jatqan mekemeler bar jáne olarda jasy 55-ten asqan adamdar kúzetshi qyzmetinde bolýy múmkin», - dedi O. Danabekov Habar 24 telearnasynda ótken onlaın brıfıngide.

Onyń sózine qaraǵanda, atalǵan máseleni tikeleı jumys berýshimen sheshýge keńes biriledi.

«Alaıda tıisti ýájge qaramastan, jumysqa shyǵýǵa májbúrlese, onda polıtsııaǵa habarlasýǵa bolady. Sáıkesinshe, máseleni quqyqtyq jolmen sheshý qarastyrylǵan», - dedi Oljas Danabekov.