55 jastan asqan adamdardyń jumysqa shyǵýyn barynsha shekteý qajet
NUR-SULTAN. QazAqparat - 55 jastan asqan adamdardyń jumysqa shyǵýyn barynsha shekteý qajet. Bul týraly Aqordada Tótenshe jaǵdaı jónindegi memlekettik komıssııanyń otyrysyn ótkizgen QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Tájirıbe «táýekel toby» dep atalatyn tulǵalardyń medıtsına júıesine úlken júkteme salatyndyǵyn jáne olardyń arasynda ólim-jitimniń joǵary ekendigin kórsetip otyr. Olar densaýlyǵynda kináraty, sozylmaly aýrýmen aýyratyn 55 jastan asqan azamattar. Olardyń jumysqa shyǵýyn barynsha shektep, úıde oqshaýlaný rejımimen qamtamasyz etý qajet», - dedi Qasym-Jomart Toqaev.
Memleket basshysy elimizdegi barlyq halyqqa qyzmet kórsetý ortalyqtaryn ýaqytsha jabý qajettigin basa aıtty. Bul rette barlyq qyzmetterdi onlaın alý múmkindigi qamtamasyz etilýi tıistigin qatań eskertti.
«Halyqtyń kirýi saqtalatyn qoǵamdyq nysandarda sanıtarlyq óńdeý talaptary múltiksiz oryndalýy tıis. Bul rette eshqandaı «únemdeý» men «ońtaılandyrýǵa» jol joq», -dedi Qazaqstan Prezıdenti.
