55 jastaǵy áıel Býrabaı taýyna shyǵyp, óz betimen túse almaı qalǵan
KÓKShETAÝ. QazAqparat – 55 jastaǵy áıel Býrabaı kýrortynda taýǵa shyǵyp, óz betimen tómen túse almaı qalǵan, dep habarlaıdy QazAqparat.
«6 qyrkúıek kúni saǵat 15:50 shamasynda qutqarýshylarǵa Býrabaı kýrortynda taýdyń basyna shyqqan áıel tómen túse almaı turǵandyǵy týraly habar tústi. Shaqyrtý ornyna dereý Býrabaı jáne Şýchidegi qutqarý jasaǵynyń 4 qutqarýshysy men 1 arnaıy tehnıka jumyldyryldy. Anyqtalǵandaı, «Býrabaı» shıpajaıynda demalyp jatqan 7 adamnan turatyn týrıster toby orman joly arqyly taýdyń basyna shyqqan. Keıin tómen túserde 1965 jylǵy áıel aıaǵyn jaraqattap alǵan», - dedi Aqmola oblystyq Tótenshe jaǵdaılar departamentiniń baspasóz qyzmetinen.
Vedomstvodan atap ótkendeı, qutqarýshylar áıeldi taýdyń basynan túsirip, medıtsınalyq jedel-járdem brıgadasyna tapsyrdy.
