55 mln teńge aıyppul jáne ómir boıǵy tyıym: Qaraǵandyda eki sheneýnikke úkim shyǵaryldy

ASTANA. KAZINFORM — Qaraǵandy oblysy boıynsha Memlekettik múlik jáne jekeshelendirý departamentiniń basshysyna qatysty úkim kesildi, dep habarlaıdy Antıkordyń baspasóz qyzmeti.

Qaraǵandy qalasy Álıhan Bókeıhan aýdanynyń soty Qaraǵandy oblysy boıynsha Memlekettik múlik jáne jekeshelendirý Departamentiniń basshysy D. Hamzınge jáne osy Departamenttiń qarjylyq qamtamasyz etý bóliminiń basshysy K.Qashqynbaevqa qatysty úkim shyǵardy.

Hamzın Qazynashylyq Departamentiniń ǵımaratyn aǵymdaǵy jóndeý boıynsha oryndalǵan jumystar aktisine qol qoıǵany úshin 1 mln teńge kóleminde para alǵanyna kináli dep tanyldy. Sonymen qatar ol Qashqynbaevpen birlesip olarmen úlestes tulǵalardy jalǵan jumysqa ornalastyrý arqyly 2,5 mln teńge jymqyrdy.

— Hamzın men Qashqynbaevqa tıisinshe 55 mln teńge jáne 25,4 mln teńge aıyppul túrinde jaza taǵaıyndaldy. Sondaı-aq, olarǵa memlekettik qyzmette jáne kvazımemlekettik sektor sýbektilerinde qyzmet atqarýǵa ómir boıy tyıym salyndy. Sot aktisi zańdy kúshine engen joq, — delingen habarlamada.

Osydan buryn «Tótenshe jaǵdaılar mınıstrliginiń Qazseldenqorǵaý» MM oblystyq fılıalynyń basshysy 3 jylǵa sottalǵanyn jazdyq.