54 jastaǵy áıel qutqarý qyzmetine bir tún ishinde 600 ret qońyraý shalǵan
ASTANA. QazAqparat - Frantsııada bir tún ishinde qutqarý qyzmetine 600 ret qońyraý shalǵan áıel ustaldy. Áıel 115 nomerine - úısiz qalǵandarǵa kómek kórsetý qyzmetine 400 ret qońyraý shalǵan.
Al operatorlarǵa ózine qandaı kómek qajet ekendigin túsindire almaǵan.
Sheteldik BAQ-tyń habarlaýynsha, 23 qyrkúıekke qaraǵan túnde 54 jastaǵy áıel jedel járdem qyzmetine 176 ret, órt sóndirý bólimine 18 ret jáne polıtsııaǵa 8 ret habarlasqan. Áıel qutqarý qyzmetine qaıta-qaıta qońyraý shalyp, mazalap jatqan kezde basqa kómek qajet etken adamdar telefon soǵa almaı álek bolǵan.
Polıtsııa qyzmetkerleri áıeldi anyqtady, ol Týlýza qalasynyń turǵyny bolyp shyqty. Polıtsııanyń málimetinshe, áıel úıiniń kireberisin órtemek bolǵan. Aldyn ala belgili bolǵandaı, áıel adam psıhıkalyq dertke shaldyqqan bolyp shyqty.
