54 jastaǵy aqtóbelik úshemniń ákesi atandy
ASTANA. QazAqparat - Aqtóbe oblysynda 13 jyldan keıin alǵash ret jasandy jolmen uryqtandyrylmaǵan úshem dúnıege keldi, dep jazdy «Moı GOROD» portaly.
Alǵa qalasynyń turǵyny Jarlyhan Seıitov 8 jeltoqsan kúni kúndizgi tórtter shamasynda qýanyshty habar aldy. 54 jastaǵy ınjener-mehanıktiń úshemnen bólek, tórt balasy bar: úlkeni Ánýar on úsh jasqa tolsa, úsh qyzdyń eń kishisi Tomırıs úshke keldi. Jańa týǵan Seıitovterdiń jaǵdaıy jaqsy, úsh uldyń árqaısysynyń salmaǵy - 2700 gramm. Olarǵa áli esim berilgen joq.
