54 jastaǵy aqmolalyq Italııadaǵy shańǵy jarysyna qatysty
KÓKShETAÝ. QazAqparat – Italııada ótken tanymal shańǵy jarysynda 7 myńǵa jýyq sportshy bas qosty.
Onyń arasynda bıatlonnan QSRO sport sheberi, ardager sportshy Igor Alferev jarys jolyna shyǵyp, sheberligin synap kórdi, dep habarlaıdy QazAqparat tilshisi Aqmola oblystyq dene shynyqtyrý jáne sport basqarmasynyń baspasóz qyzmetine silteme jasap.
Vedomstvonyń deregi boıynsha, «Marcialonga» shańǵy jarysyna bıyl 7000 sportshy qatysty. Olardyń arasyna Aqkól aýdanynan barǵan 54 jastaǵy aqmolalyq Igor Alferev 70 shaqyrym qashyqtyqqa klassıkalyq ádispen baq synady. Igor 2013 jyldan bastap óner kórsetip keledi. Master Worldloppet oryndaý úshin mindetti túrde ár elde 10 marafonǵa qatysyp, júrip ótýi tıis. Qazirgi kezde ol 7 marafondy artta qaldyrǵan.
«Men RC SharZhum shańǵy bazasynda jattyǵamyn. Ózimmen birge Aqkól aýdanynyń jas shańǵyshylary da birge jattyǵady», - deıdi I. Alferev.
