539 medıtsınalyq uıym QR Densaýlyq saqtaý mınıstrliginiń 2 jáne 4 jylǵa arnalǵan akkredıtatsııasynan ótti
ASTANA. Qazannyń 21-i. QazAqparat - Respýblıkamyzdaǵy 539 medıtsınalyq mekeme Medıtsınalyq uıymdardy akkredıtatsııalaý jónindegi komıssııanyń birinshi otyrysy barysynda QR Densaýlyq saqtaý mınıstrliginiń 2 jáne 4 jyldarǵa arnalǵan akkredıtatsııasynan ótti,
dep habarlaıdy vedomstvonyń baspasóz qyzmeti.
Taratylǵan baspasóz habarlamasynda aıtylǵandaı, komıssııanyń birinshi otyrysynda 580 uıymnyń qujaty qaraldy.
40 mekeme saraptamalyq baǵalaýdan óte almasa, 262 uıym 4 jylǵa, 277 uıym 2 jylǵa akkredıtatsııalaýdan ótti.
Akkredıtatsııalaýdan ótkizýdiń maqsaty - uıymdardyń qyzmet sapasyn baǵalaý jáne halyqqa kepildi tegin medıtsınalyq kómek kórsetý aıasynda medıtsınalyq qyzmetti alý úshin memlekettik tapsyrys jarııalaý aldynda uıymdar týraly tolyqqandy aqparat alý.
Akkredıtatsııalaýdy aǵymdaǵy jyldyń tamyz aıynan beri Biryńǵaı densaýlyq saqtaý júıesin engizý aıasynda Densaýlyq saqtaý mınıstrliginiń medıtsınalyq jáne farmatsevtıkalyq qyzmetin baqylaý komıteti júrgizip otyr.
