53 myńnan astam muǵalim jalaqysyna ústeme aldy (FOTO)
ASTANA. QazAqparat - 53 myńnan astam muǵalim jańartylǵan mazmun ádisteme boıynsha biliktilikti arttyrýdyń deńgeıli kýrstarynan ótti. Osy rette olar jalaqysyna ústeme aldy. Bul týraly búgin Astanadaǵy L.N.Gýmılev atyndaǵy Eýrazııa ulttyq ýnıversıtetindegi halyqpen esepti kezdesýinde QR Bilim jáne ǵylym mınıstri Erlan Saǵadıev málim etti.
Sonymen qatar, mınıstr 2015 jylǵa qaraı memlekettik kolledjderdiń 76 paıyzy qazirgi zamanǵy bilim berý jabdyqtarymen qamtylǵanyn atap ótti.
«Tehnıkalyq jáne kásiptik uıymdardyń 36 myń ınjenerlik-pedagog qyzmetkerleri biliktilikti arttyrýdan ótti, onyń ishinde 825-i shet elde oqyp keldi»,-dedi mınıstr.
Onyń sózine qaraǵanda, 2011 jyldan bastap, 28 myń bilim alýshy jumys berýshilerdiń esebinen oqytylyp, 1700 orynǵa arnalǵan 19 jataqhana salyndy. Munymen qosa, joǵary oqý oryndarynyń 100 basshysy Nazarbaev Ýnıversıteti bazasynda jáne shet elderde biliktilikti arttyrýdan ótti.
«11 JOO-da memlekettik ındýstrıaldy-ınnovatsııalyq damý baǵdarlamasy aıasynda kadrlardy daıarlaý baǵdarlamasy júzege asyrylýda. Ol boıynsha 2015 jyly 200 magıstrantty daıarlaý bastaldy»,-dedi E. Saǵadıev.
