53 myń esirtkige táýeldilerdiń 3,5 myńy kámeletke tolmaǵandar, 4 myńy áıelder - ІІM
áýirdiń 24-i. QazAqparat /Qanat Mámetqazyuly/ - QR Densaýlyq saqtaý mınıstrliginiń málimetterine súıensek, búgingi kúni elimizde tirkelgen esirtkige táýeldiler sany 53 myńǵa jýyq bolyp otyr.
Bunyń 3,5 myńǵa jýyǵy kámelet jasqa tolmaǵandar bolsa, 4 myńdaıy áıelder. Bul týraly búgin Parlament Májilisiniń kóshpeli Úkimet saǵatynda «Qazaqstan Respýblıkasyndaǵy qoǵamdyq tártip pen qaýipsizdikti saqtaýdyń jaı-kúıi týraly» taqyrypta baıandama jasaǵan QR Іshki ister mınıstri Serik Baımaǵanbetov málim etti, dep habarlaıdy QazAqparat.
Sóz arasynda mınıstr 2008 jyly esirtki kontrabandasy men onyń taralymy úshin qylmystyq jaýapkershilik kúsheıtilgenin, sondaı-aq qazirgi zańnamaǵa sáıkes kámeletttik jasqa tolmaǵandardy esirtkige úıretkeni úshin asa aýyr jaza - ómir boıǵy bas bostandyǵynan aıyrý qarastyrylǵanyn atap ótti.
«Zańnyń esirtki kontrabandasy men onyń taralymyna qatysty normasy kúshine engennen beri Atyraýda ózbekstandyq azamat ómir boıy bas bostandyǵynan aıyryldy. 5 adam 20 jylǵa deıingi bas bostandyǵynan aıyryldy, 40 qylmysker 15 jylǵa sottaldy», dedi S. Baımaǵanbetov.
