5,3 mlrd salyq tólenbegen: Almaty oblysynda jalǵan shot-faktýra jazǵan 7 uıym áshkerelendi
QONAEV. KAZINFORM – Almaty oblysy boıynsha Ekonomıkalyq tergep-tekserý departamenti ótken jyldyń nátıjelerimen bólisti.
Departament basshysynyń orynbasary Áset Jamanbaevtyń aıtýynsha, óńirde jalǵan shot-faktýra bergen 7 uıym áshkerelengen. Olardyń áreketi saldarynan memleketke 5,3 mlrd teńge salyq túspegen.
- Biz kúsh-jigerimizdi kóleńkeli ekonomıkaǵa qarajat shyǵarýmen aınalysatyn sýbektilermen kúresýge baǵyttadyq. Bul rette adal bıznesti qylmystyq qýdalaýǵa jol bermeýge erekshe nazar aýdarylady. Departamenttiń mindeti – ekonomıkany jalǵan aqsha jasaýshylar, kontrabandashylar jáne kontrafaktilik ónim óndirýshiler sııaqty zańsyz shemalardan tazartý, - dedi ol.
Eske salaıyq, buǵan deıin Almaty oblysynyń kásipkerlerimen usynylyp otyrǵan salyq reformalary talqylanǵanyn jazǵanbyz.