53 kompanııanyń 44-i «Saryarqa» AEA qatysýshysy dárejesinen aıyryldy
QARAǴANDY. QazAqparat - Qaraǵandy oblysynda Elbasynyń tapsyrmasymen «Saryarqa» arnaıy ekonomıkalyq aımaǵyna (AEA) qatysýshylar arasynda ońtaılandyrý jumystary júrgizildi, dep habarlady óńir basshysy Nurmuhambet Ábdibekov turǵyndarmen eseptik kezdesýinde.
«Ótken jyly tamyz aıynda oblysymyzǵa jumys saparymen kelgen Memleket basshysy «Saryarqa» AEA qyzmeti boıynsha birqatar tapsyrma júktedi. AEA qatysýshylary arasynda ońtaılandyrý jumystary júrgizildi. Nátıjesinde 53 kompanııanyń 44-inen arnaıy ekonomıkalyq aımaǵyna qatysýshysy ataǵy alynady. Jer ýchaskelerin qaıtarý jumystary júrgizilýde», - dedi N. Ábdibekov.
AEA aýmaǵynda eki qazaqstandyq-germanııalyq kásiporyn: «Izoplıýs Tsentralnaıa Azııa» JShS jáne «Bemer Armatýra» JShS jumys isteıdi. Oblys ákiminiń málimetinshe, ótken jyly bul kásiporyndar 1 mlrd. teńgeniń ónimin shyǵarǵan.
«Henvý» koreılyq kompanııasynyń qubyr shyǵarý boıynsha jobasy jaqyn arada iske qosylady», - dedi N. Ábdibekov.
