52 jolaýshysy bar «Shymkent-Túrkistan» avtobýsy kóktaıǵaqta joldyń shetine shyǵyp ketti
TÚRKІSTAN. QazAqparat - Túrkistan oblysynla kóktaıǵaqtan joldyń shetine shyǵyp ketken jolaýshylar tasymaldaıtyn avtobýstyń jolaýshylary qutqaryldy. «Shymkent-Túrkistan» baǵytynda shyqqan qoǵamdyq kólikte 57 adam bolǵan, dep habarlaıdy QazAqparat tilshisi.
Túrkistan oblystyq TJD baspasóz qyzmetiniń málimetinshe, keleńsiz jaǵdaı 13 naýryz kúni saǵat 23:47-te Otyrar aýdany aýmaǵyndaǵy Eski Shilik eldimekeniniń mańynda oryn alǵan. «Tórtkól-Sháýildir» tas jolynda kóktaıǵaqtan «Setra» markaly «Shymkent-Túrkistan» jolaýshylar tasymaldaıtyn avtobýs joldyń shetine shyǵyp ketken.
«Oqıǵa ornyna Túrkistan oblysy TJD 5 qyzmetkeri 2 tehnıkamen shyǵyp, avtobýsty joldyń tazartylǵan bóligine alyp shyqty. 14 naýryzda saǵat 01:24-te jolaýshylar marshrýt boıynsha jóneltildi. Medıtsınalyq kómekke qajeti bolmady «, - delingen habarlamada.
Óńirde kóktaıǵaq saldarynan respýblıkalyq jáne oblystyq mańyzy bar joldarynyń biraz bóligi jabylǵany habarlandy.
«Búgin saǵat 09:00-den respýblıkalyq A-2 «Qorǵas-Almaty-Taraz-Shymkent-Tashkent» avtojolynyń 593- 654 shaqyrymy (Jambyl oblysy - Túlkibas aýdanynyń Mashat aýyly) aralyǵynda aýa-raıynyń nasharlaýyna baılanysty (burqasyn jel, kóktaıǵaq, kórinýdiń nasharlaýy) barlyq kólik túrine qozǵalys toqtatyldy« delingen habarlamada.
