52 jastaǵy er adam Esilge batyp ketti
ASTANA. QazAqparat - Aǵymdaǵy jyldyń 6 qarashasynda saǵat 14.00 shamasynda Esil ózenindegi oıyqqa maltý kezinde 52 jastaǵy er azamat sýǵa batyp ketti, dep habarlaıdy Astana ІІD baspasóz qyzmetinen. Polıtsııa qyzmetkerlerimen tekserý jumystary júrgizilýde. Sot-medıtsınalyq saraptama taǵaıyndaldy.
Astana qalasy Іshki ister departamenti ózendegi muzdyń qatpaýyna baılanysty abaılaýdy eskertedi. Osyǵan baılanysty elordalyq polıtseıler qaýipke jol bermeı, sonymen qatar balalardy qaraýsyz qaldyrmaýdy suraıdy.
«Ata-analardyń nazaryna! Balalarǵa ózenge jaqyn jerde qydyrýǵa ruqsat etpeńizder. Balalarǵa muzdyń synyp ketý qaýpin túsindirińizder. Balalardyń muz aıdynyna shyǵýyna ruqsat bermeńizder jáne ózderińiz de muqııat bolyńyzdar.
Alǵashqy aıazdyń kelýimen sýǵa maltý merzimi bastalady. Qysqy júzý jaraqatpen nemese qaıǵyly jaǵdaımen aıaqtalmas úshin, qaýipsizdik sharalaryn saqtaǵan durys», - dep jazylǵan ІІD habarlamasynda.
