52 adam qaza bolǵan avtobýs órti: Tergeý merzimi taǵy uzartyldy
AQTÓBE. QazAqparat - Aqtóbede Ózbekstan azamattary qaza bolǵan avtobýs órtine qatysty tergeý merzimi úshinshi ret uzartyldy, dep habarlaıdy QazAqparat tilshisi.
Avtobýs júrgizýshileri Nurjan Qyrǵyzbaev, Maqsat Pernebekov pen Barat Tańatovqa qatysty tergeý jumystary áli jalǵasyp jatyr. Aqtóbe oblystyq sotynyń baspasóz qyzmetiniń habarlaýynsha, tergeý merzimi 12 maýsymǵa deıin uzartyldy.
Eske salsaq, bıyl 18 qańtar kúni Aqtóbe oblysyndaǵy «Samara-Shymkent» avtojolynda Ózbekstan azamattary mingen avtobýs órtenip, 52 adam ajal qushqan bolatyn.
Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha is qozǵaldy. Órtte aman qalǵan bes adamnyń úsheýi - Nurjan Qyrǵyzbaev, Maqsat Pernebekov pen Barat Tańatov avtobýs júrgizýshileri. 26 qańtar kúni olarǵa 24 naýryzǵa deıin qamaýda ustaý týraly bultartpaý sharasy qoldanyldy. Keıin sanktsııa merzimi 24 sáýirge deıin, al 24 sáýirde 24 mamyrǵa deıin taǵy uzartyldy.
Aıta keteıik, buǵan deıingi tergeý barysynda júrgizýshiler óz kinálaryn moıyndaǵan joq.
