51 «jeltoqsanshy» astananyń qoǵamdyq kólikterinde tegin júrý quqyǵyna ıe bolady

ASTANA. QazAqparat – 1986 jylǵy Jeltoqsan oqıǵasyna qatysqan 51 astanalyq qaladaǵy marshrýttyq avtobýstarda tegin júrretin boldy. Astana qalasy máslıhatynyń kezekti otyrysynda osyndaı sheshim qabyldandy, dep habarlaıdy QazAqparat tilshisi.

«Komıssııanyń qaraýyna mynadaı quqyqtyq-normatıvtik aktiler usynylyp otyr: birinshi –azamattardiń jekelegen sanatyna qaladaǵy marshrýttyq avtobýstardyń jol aqysynan bosatý túrindegi áleýmettik kómek kórsetý tártibi týraly. Bul sanatqa biz 1986 jylǵy jeltoqsan oqıǵasyna qatysqandardy qosamyz. Ol ózgeris 51 adamdy qamtıdy jáne bıýdjetke sonshalyqty áser etpeıdi. Qoldaýlaryńyzdy suraımyn», - dedi Jumyspen qamtý jáne áleýmettik qorǵaý basqarmasynyń basshysy Ilıa Skýb.

Máslıhat depýtattary usynylǵan sheshimdi biraýyzdan qoldap daýys berdi.