51 jastaǵy áıel jalǵa alǵan páterlerin satyp otyrǵan
ALMATY. QazAqparat - Almatyda jalǵa alǵan páterlerin satyp otyrǵan alaıaq áıel ustaldy, dep habarlaıdy QazAqparat tilshisi.
Qalalyq polıtsııa departamentiniń habarlaýynsha, kúdikti áıel óziniń jymysqy áreketterin Túrksib aýdanynda júzege asyryp kelgen. Bul aýdandy osyndaı ádispen 3 páter satylǵan.
«Ol aýdany keń páterlerdi uzaq merzimge jalǵa alǵan. Keıin ózi klıent taýyp, ony satýǵa tyrysqan. Ol klıentterin páter bankte kepildikte jatyr dep aldap, 3-4 mln teńge aldyn ala aqy tóleýdi talap etken. Qazir onyń basqa da aýdandardaǵy qylmystarǵa qatystylyǵy tekserilip jatyr. Buryn bul áıel osy tektes qylmys jasaǵany úshin isti bolǵan», - dedi Túrksib aýdandyq Polıtsııa basqarmasynyń bólim basshysy Nurlan Ysqaqov.
Tergeý amaldary jalǵasyp jatyr.
