51 jastaǵy áıel Qytaıdan 63 keli dári-dármekti zańsyz alyp kirmek bolǵan
ASTANA. QazAqparat - Qazaqstan men Qytaı Halyq Respýblıkasy arasynda ornalasqan «Shekaralyq yntymaqtastyqtyń halyqaralyq ortalyǵy» baqylaý-ótkizý beketiniń shekara narıady shekaradan zańsyz túrde dári-dármek ótkizbek bolǵan qazaqstandyq azamatshany ustady, dep habarlaıdy QR UQK ShQ baspasóz qyzmeti.
Atalǵan ortalyqtan kele jatqan 51 jastaǵy otandasymyzdyń kóz qysty, barmaq basty jolmen ótkizýge tyrysqan dári-dármeginiń salmaǵy 63 kılogramǵa jetip jyǵyldy.
Buǵan qatysty materıaldar «Altynkól» keden beketine berildi.
